1 Timothée 4:10 - Mbeti ti Nzapa - Tënë so amu fini

¹⁰ Biani, pasi so e yeke baa wala bira so e yeke tiri ayeke ndali ti so e zia be ti e ti ku Nzapa so ayeke na fini. Lo yeke Wasongo azo kue, mbirimbiri azo so ama na be.

1 Timothée 4:10 ပူးပေါင်းရင်းမြစ်များ

Abia (Psaumes) 107:2

Ala so KOTA GBIA azi ala, ala so lo zi ala na maboko ti awato, ayeke nzoni ala tene tongaso.

Abia (Psaumes) 118:8

Titene zo akpe na KOTA GBIA ti bata tere ti lo, so ayeke nzoni ahon titene lo zia be ti lo na ndö ti azo!

Abia (Psaumes) 36:6

KOTA GBIA, ndoye ti mo ague ngbii asi na yayu; batango tënë ti yanga ti mo so mo yeke bata ague ngbii asi na ambinda.

Abia (Psaumes) 37:40

KOTA GBIA ayeke mu maboko na ala, lo yeke zi ala; lo yeke zi ala na maboko ti azo ti sioni si lo yeke soo ala, ngbanga ti so ala kpe na lo ti bata tere ti ala.

Abia (Psaumes) 52:8

Fade azo ti mbirimbiri ayeke baa ye ni si ala yeke kpe mbeto ni; ala yeke he mo na ngia, ala tene:

Abia (Psaumes) 84:12

Biani, KOTA GBIA Nzapa ayeke lâ si lo yeke vala. KOTA GBIA ayeke sara nzoni be na zo, lo yeke mu nengo na zo; azo so ayeke sara ye mbirimbiri, lo yeke gbanzi nzoni ye na ala pepe.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Jérémie 17:7

Me tufa aga na ndö ti zo so azia be ti lo na ndö ti mbi, KOTA GBIA si zo ni ayeke gi titene mbi bata lo.

Daniel 3:28

Nabukodonosor amu tënë si atene: “E mu singila na Nzapa ti Shadrak, ti Meshak na ti Abed-Nego! Lo tokua *ange ti lo ti soo azo ti kua ti lo na kuâ. Ala zia be ti ala kue gi na ndö ti lo si ala ke ti ma yanga ti mbi so mbi yeke gbia. Ala yeda ti mu tere ti ala na kuâ, ahon titene ala sara na mbeni nzapa nde si ala voro mbeni nzapa so ayeke Nzapa ti ala pepe.

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 4:42

Azo ni atene na wali ni: “Gi ndali ti tënë so mo tene laa e ma na be pepe, me e wani, e ma lo. E hinga biani so lo yeke taa Wasongo azo ti dunia so.”

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

1 Timothée 2:3

Baa, ye so ayeke nzoni si anzere na le ti Nzapa, Wasongo e laa.

1 Timothée 2:4

Lo ye titene azo kue asoo kuâ si ala hinga taa-tënë.

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.

Ahebro 13:13

Tongaso, e nga, e sigigi na ya ti gbagba ni, e gue na peko ti lo titene azo abongbi e na lo kue abaa e tongana azo ti buba.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

1 Jean 4:14

E baa na le ti e si e yeke tene na azo tënë so: Babâ atokua Molenge ti lo titene lo ga Wasongo azo ti dunia so.