1 Timothée 3:7 - Mbeti ti Nzapa - Tënë so amu fini

⁷ Alingbi lo duti zo so azo so ama na be pepe atene nga nzoni tënë ti lo. Tongaso, fade azo ayeke tene sioni tënë na tere ti lo pepe si lo ti na ya ti gbanda ti Zabolo pepe.

1 Timothée 3:7 ပူးပေါင်းရင်းမြစ်များ

Marc 4:11

Lo tene na ala: “Ti ala azo ti mbi, Nzapa amu na ala lege ti hinga nda ti *Kodro-gbia ti Nzapa so angba na hondengo ni, me ti azo ti gigi, ala ma tënë ni na lege ti atoli

Awatokua 10:22

Azo ni akiri tënë, atene: “Kapita Corneille laa atokua e. Lo yeke zo ti mbirimbiri, lo yeke kpe mbeto ti Nzapa si azuife kue ayeke tene nzoni tënë ti lo. Mbeni ange ti Nzapa ahunda na lo ti iri mo ti ga na da ti lo titene lo ma tënë so mo yeke tene na lo.”

Awatokua 22:12

“Kâ, mbeni koli ayeke daa, iri ti lo Ananias. Lo ye tënë ti Nzapa mingi si lo yeke bata *Ndia ti Moïse nzoni. Azuife so kue ayeke na Damas atene nzoni tënë ti lo mingi.

Awatokua 6:3

A-ita, ayeke nzoni ala soro azo mbarambara na popo ti ala, azo so Yingo-Vuru asi ala, so azo ayeke tene nzoni tënë ti ala, azo ti ndara, fade e yeke zia kua so na maboko ti ala.

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

1 Korente 5:12

Mbi laa mbi lingbi ti fâ ngbanga ti azo ti gigi? Alingbi ala fâ ngbanga ti azo ti ya ni!

2 Korente 6:3

E ye titene azo awara mbeni sioni tënë ti tene na ndö ti kua ti e pepe, nilaa e sara kue titene mbeni zo ati ndali ti e pepe.

2 Korente 8:21

Ye so agbu be ti e ayeke titene e sara ye mbirimbiri gi na le ti Kota Gbia oko pepe, me nga na le ti azo.

Kolose 4:5

Ala duti na ndara na popo ti azo so ahinga Nzapa pepe; ala zia ngoi ti ala ahon senge senge pepe.

1 Tesalonike 4:12

Tongaso, na lege ti dutingo ti ala, fade azo so ama na be pepe ayeke ne ala; na ndö ni, ala yeke ku ti wara ye gi na maboko ti ambeni zo pepe.

1 Tesalonike 5:22

ala kpe ye so kue ayeke ye ti sioni.

1 Timothée 3:6

Alingbi zo ti li ti Eglize ayeke zo so ama na be fini fini pepe; tongaso pepe, fade baba ayeke hon ndö ti lo si Nzapa ayeke fâ ngbanga na li ti lo tongana ti so lo fâ na li ti Zabolo.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

1 Timothée 6:9

Me ti azo so aye ti wara mosoro mingi, mosoro ni ahanda ala si ala ti. Nzara ti abuba ye nde nde ti sioni agbu ala tongana gbanda. Aye ni so ayeke buba azo si ayeke gue na ala na kuâ.

2 Timothée 2:26

si li ti ala akiri daa. Tongaso, fade ala yeke sigigi na ya ti gbanda ti Zabolo so lani akanga ala titene ala sara gi ye so be ti lo aye.

Tite 2:5

ti sara ye ahon ndoni pepe, me na legeni, ti bata li ti ala nzoni, ti duti anzoni wali ti da, ti duti na nzerengo be, ti ma yanga ti akoli ti ala. Tongaso, fade mbeni zo ayeke zonga tënë ti Nzapa pepe.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.

3 Jean 1:12

Azo kue ayeke tene nzoni tënë ti Demetrius, ndali ti so lo yeke sara ye gi na lege ti taa-tënë. E nga, e yeke tene nzoni tënë ti lo; mo hinga so tënë so e yeke tene na ndö ti lo ayeke taa-tënë.

1 Samuel 2:24

Amolenge ti mbi, ala zia lege ti sarango ye tongaso. Tënë so mbi ma azo ti KOTA GBIA ayeke tene na iri ti ala so ayeke nzoni pepe.