1 Timothée 3:2 - Mbeti ti Nzapa - Tënë so amu fini

² Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 3:2 ပူးပေါင်းရင်းမြစ်များ

Ésaïe 56:10

Asanziri ti Israel kue ayeke awaziba, ala hinga ye oko pepe. Ala yeke ambo so ayeke buburu, ala lingbi ti dekongo pepe. Ala yeke lango na sese, ala yeke baa li ti ala; ala ye gi ti lango.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Nzoni Tënë so Luc asu na mbeti 2:36

Mbeni wali nga ayeke daa, lo yeke wayanga-Nzapa, iri ti lo Anne; lo yeke molenge ti Penuel ti wali, zo ti mara ti Aser. Ngu ti lo ahon mingi. So lo mu koli na maseka ti lo, lo na koli ni asara ngu mbarambara.

Rome 12:13

Ala mu maboko na azo ti Nzapa so ye atia ala, ala yamba agene nzoni.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

1 Timothée 3:12

Alingbi diakre ayeke gi na wali oko, lo yeke nzoni makonzi ti amolenge ti lo na ti asewa ti lo wani.

1 Timothée 3:8

Alingbi *adiakre nga aduti azo so ayeke ne tere ti ala; tënë ti yanga ti ala ayeke use use pepe, ala yeke angbaa ti samba pepe, ala gi ti wara ye na lege ti sioni pepe.

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

1 Timothée 5:22

Mo zia maboko ti mo hio na li ti mbeni zo pepe, mo sara beoko na siokpari ti mbeni zo pepe; me mo bata be ti mo na vurungo ni.

1 Timothée 5:9

Tongana mo ye ti zia iri ti mbeni wali na popo ti awali-mua, alingbi lo yeke zo so ngu ti lo asi baleomene si lo yeke wali so amu koli gi fani oko.

2 Timothée 2:24

Zo ti kua ti Kota Gbia alingbi ti papa pepe, me alingbi lo duti kpoo na azo kue, lo yeke zo so alingbi ti fa nda ti ye si lo hinga ti kanga be ti lo na kasango ndo ti azo.

Tite 2:2

Mo tene na ambakoro-koli titene ala sara ye ahon ndoni pepe, me na legeni; ala ne tere ti ala, ala tene tënë na legeni, ala kpengba na lege ti mabe, na lege ti yengo tere nga na lege ti kangango be na ya ti aye kue.

Ahebro 13:2

Ala girisa pepe ti yamba agene nzoni. Na lege ti yambango azo, ambeni ayamba *a-ange, me ala hinga pepe atene, so ayeke a-ange.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Pierre 4:9

Ala yamba amba ti ala nzoni na ndo ti ala, me na dikongo tënë na gbe ti go ti ala pepe.

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.