1 Timothée 3:14 - Mbeti ti Nzapa - Tënë so amu fini

¹⁴ Na ndembe so mbi yeke su mbeti so ti tokua na mo, mbi yeke na nzara ti gue ti baa mo hio.

1 Timothée 3:14 ပူးပေါင်းရင်းမြစ်များ

1 Korente 11:34

Tongana nzara asara mbeni zo, alingbi lo te kobe na da ti lo, tongaso si ala bongbi ti iri ngbanga ti Nzapa na li ti ala pepe. Tongana mbi si kâ, fade mbi yeke leke tanga ti atënë ni.

1 Tesalonike 2:18

Ndani laa, e ye ti gue na ndo ti ala kâ; mbi Paul, mbi gi lege fani mingi ti gue kâ, me Satan akanga lege na e.

1 Timothée 3:13

Adiakre so ayeke sara kua ti ala na legeni, ala yeke wara nzoni ndo. Ala yeke tene tënë na mbeto pepe, ngbanga ti so ala ma na be si ala ga oko na Jésus Christ awe.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

1 Timothée 4:13

Ti ku na gango ti mbi, ayeke nzoni mo zia be ti mo na dikongo Mbeti ti Nzapa, na mungo wango na azo nga na fango ye na azo.

Philémon 1:22

Mo leke nga mbeni ndo ti lango ndali ti mbi, ngbanga ti so mbi zia be ti mbi ti ku so fade Nzapa ayeke ma sambela ti ala si lo yeke zi lege titene mbi kiri na popo ti ala.

Ahebro 13:23

Ayeke nzoni ala hinga so, ita ti e Timothée asigigi na da ti kanga awe. Tongana lo si na mbi ge hio, fade mbi na lo, e yeke gue ti baa ala.

2 Jean 1:12

Mbi yeke na atënë mingi ti tene na ala, me mbi ye ti mu keke ti mbeti ti su atënë ni na le ti mbeti pepe. Biani, mbi ye ti si na ndo ti ala titene mbi na ala, e tene tënë na yanga si ngia ti e alingbi kue.

3 Jean 1:14

Mbi ye ti baa mo na ya ti alango so ayeke ga si mbi na mo, e tene tënë na yanga.