1 Timothée 2:8 - Mbeti ti Nzapa - Tënë so amu fini

⁸ Mbi ye si akoli asambela na ndo kue, na yorongo maboko ti ala na nduzu, maboko so ayeke *nzoni, na ngonzo na be ti ala pepe, na tënë ti papa pepe.

1 Timothée 2:8 ပူးပေါင်းရင်းမြစ်များ

1 Agbia 3:11

Nzapa atene na lo: “Mo hunda pepe ti duti na gigi aninga, wala ti wara mosoro, wala kuâ ti awato ti mo; me mo hunda hingango ndo titene mo sara na komandema na ndö ti azo ti mbi na legeni,

Mbeti ti Job 16:17

Me mbi sara ye ti ngangu na zo laoko pepe; lakue mbi yeke sambela na vurungo be.

Abia (Psaumes) 134:2

Ala yoro maboko ti ala na mbage ti da ti KOTA GBIA, da ti lo so ayeke nde si ayeke nzoni kue; ala mu singila na lo!

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Abia (Psaumes) 24:4

Zo so maboko ti lo asara sioni oko pepe, zo so be ti lo avuru, zo so adeba yanga ti lo na tënë ti mvene pepe, zo so adeba yanga ti lo ti handa azo pepe.

Abia (Psaumes) 26:6

KOTA GBIA, mbi sukula maboko ti mbi ti fa so tënë ayeke na li ti mbi pepe, tongaso si mbi ngoro gbalaka ti mo.

Abia (Psaumes) 28:2

Ayeke nzoni mo ma toto ti mbi, tongana mbi iri mo ti mu maboko na mbi, tongana mbi yo maboko ti mbi na nduzu na mbage ti ndo ti mo so ayeke nde si ayeke nzoni kue ahon atanga ni.

Abia (Psaumes) 35:13

Na ndembe so lani awato ti mbi ayeke na kobela, mbi yu bongo ti mua, mbi ke kobe, mbi sara tere ti mbi kete si mbi zia ti sambela pepe.

Abia (Psaumes) 63:4

Biani, nzoni be ti mo ayeke nzoni ahon fini ti zo; fade mbi yeke he bia ti sepela mo.

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 21:27

Sandaga ti azo ti sioni ayeke ye ti sioni mingi. Sandaga so ayeke sioni ahon ndoni ayeke ti so ala mu na sioni be.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Matthieu 5:44

Ti mbi, mbi tene na ala: ala ye awato ti ala! Ala sambela ndali ti azo so ayeke sara ngangu na ala!

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Nzoni Tënë so Luc asu na mbeti 24:50

Na pekoni, Jésus amu ala, ague na ala nduru na Betanii, lo yo maboko ti lo na nduzu si lo sara tufa na ndö ti ala.

Jean 4:21

Jésus akiri tënë na lo: “Wali, mo ma tënë ti mbi: ngbonga ayeke ga so fade ala yeke voro Babâ na ndö ti hoto so wala na Jérusalem pepe.

Awatokua 10:2

Lo gbu tënë ti Nzapa mingi si lo yeke kpe mbeto ti Nzapa, lo na asewa ti lo kue. Lo yeke mu aye mingi na azo ti mawa so ayeke na popo ti azuife si lo yeke sambela Nzapa lakue.

Awatokua 10:31

lo tene na mbi: ‘Corneille! Nzapa ama sambela ti mo awe. Anzoni ye so mo sara na azo ti mawa, be ti lo agirisa na ni pepe.

Awatokua 10:4

Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Awatokua 7:60

Na pekoni, lo kuku na sese si lo dekongo ngangu, lo tene: “Kota Gbia, zi siokpari so na li ti ala!” Na peko ti tënë so, lo kui.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 7:7

Ti be ti mbi, mbi ye si azo kue aduti tongana mbi; me zo oko oko ayeke na matabisi so Nzapa amu na lo: mbeni amu wali wala koli si mbeni amu wali wala koli laoko pepe.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

Filipe 1:12

A-ita, mbi ye titene ala hinga atene, ye so asi na mbi, asara si Nzoni Tënë ague gi guengo na dawa.

1 Tesalonike 1:8

Biani, tënë ti Kota Gbia alondo na ndo ti ala si ague, asi na sese ti Masedoane na ti Akayi kue. Gi so oko pepe, so ala ma na be na Nzapa, sango ni angba gi na ando use so pepe, me amu ndo kue. Tongaso, e yeke kiri ti tene tënë na ndö ni pepe.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!

1 Pierre 3:7

Akoli, ala nga, na dutingo so ala na awali ti ala ayeke duti, ayeke nzoni ala hinga so, awali ti ala ayeke tongana ta so akpengba pepe. Ala ne ala, ngbanga ti so ala, na awali ti ala kue laa ayeke wara nzoni ye so Nzapa ayeke mu na zo; nzoni ye ni ayeke dutingo na fini. Ala sara tongaso si mbeni ye akanga lege na sambela ti ala pepe.