1 Timothée 2:5 - Mbeti ti Nzapa - Tënë so amu fini

⁵ Biani, Nzapa ayeke gi oko; walekengo-songo na popo ti azo na Nzapa ayeke gi oko: Jésus Christ,

1 Timothée 2:5 ပူးပေါင်းရင်းမြစ်များ

Mbeti ti Job 9:33

Tongana mbeni zo ti lekengo tënë ayeke fade na popo ti e titene lo zia maboko ti lo na ndö ti e use kue,

Ésaïe 44:6

*KOTA GBIA, Gbia ti Israel, lo so lo yeke zi azo ti lo, lo so lo yeke na ndö ti dunia kue, tënë so lo tene ayeke so: “Mbi yeke kozoni, mbi yeke ndangba ni. Mbeni Nzapa nde ayeke pepe, gi mbi oko.

Matthieu 1:1

So ayeke mbeti ti iri ti akotara ti Jésus Christ, lo so lo yeke *hale ti David; David ayeke hale ti Abraham.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Nzoni Tënë so Luc asu na mbeti 14:22

Na pekoni, zo ti kua ni akiri aga si lo tene na lo: ‘Kota zo, ye so mo mu yanga daa na e ti sarango ni so, e sara ni awe, me ambeni ndo angba senge.’

Jean 1:14

Tënë ni aga zo si lo duti na popo ti e, nzoni be na taa-tënë ti lo ahon ndoni. E baa gonda ti lo, gonda so Babâ amu na oko Molenge ti lo.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Rome 1:3

Nzoni Tënë ni ayeke tënë ti Molenge ti lo: na lege ti dungo ti zo, a du lo na ya ti *hale ti David.

Rome 10:12

Tongaso, azuife na azo ti amara nde kue ayeke gi legeoko: Kota Gbia ti ala ayeke gi oko, lo yeke mu anzoni ye mingi na ala so kue airi lo titene lo mu maboko na ala.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Galasii 3:20

Tongana zo ayeke gi lo oko, lege titene mbeni zo aduti walekengo-songo ayeke daa pepe. Andaa Nzapa ayeke gi oko.

Efeze 4:6

Nzapa ayeke gi oko, lo yeke Babâ ti azo kue, lo yeke gbia na ndö ti azo kue, lo yeke sara kua na lege ti azo kue, lo yeke duti na ya ti azo kue.

Ndia ti fani use ni 6:4

“Ala azo ti Israel, ala ma! KOTA GBIA Nzapa ti e ayeke oko KOTA GBIA.

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

Ahebro 8:6

Biani, Nzapa amu na Jésus kota kua so ahon ti ambeni wayango-sandaga kue, ngbanga ti so lo yeke zo ti lekengo tënë ti mbeni *mbuki so ayeke nzoni ahon ti kozo ni. Mbuki ni so ayeke na ndö ti aye so Nzapa amu zendo ni na azo, aye so ayeke nzoni ahon atanga ni kue.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

1 Jean 2:1

Amolenge ti mbi, mbi su mbeti so na ala titene ala sara siokpari pepe. Me tongana mbeni zo asara siokpari, e yeke na mbeni wagbungo-koko na tere ti Babâ: Jésus Christ, lo so lo yeke mbirimbiri.

Aye so Nzapa afa 1:13

Na popo ti agere ti lamba ni, mbi baa lo so akpa zo. Lo yu mbeni yongoro bongo, lo kanga na kate ti lo kamba ti ndö ti bongo so a sara na lôro.