1 Timothée 2:15 - Mbeti ti Nzapa - Tënë so amu fini

¹⁵ Me fade Nzapa ayeke soo lo na kuâ na lege ti dungo molenge. Ti awali, Nzapa ayeke soo ala na kuâ gi tongana ala ngba na lege ti mabe, ti ndoye, ti bata tere ti ala nde ndali ti Nzapa, ti sara ye na baba pepe.

1 Timothée 2:15 ပူးပေါင်းရင်းမြစ်များ

Ésaïe 7:14

Tongaso, fade KOTA GBIA wani ayeke fa na ala mbeni ye: maseka-wali ayeke mu ngo, lo yeke du molenge-koli, lo yeke di iri ti lo Emmanuel.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 31:22

Molenge-wali ti ngangu li, mo yeke ngba ti duti yamba tongaso ngbii asi lawa? Biani, KOTA GBIA asara mbeni fini ye na ndö ti sese awe: fadeso wali laa ayeke gi lege ti mu koli.

Nzoni Tënë so Luc asu na mbeti 2:7

Lo du kozo molenge ti lo ti koli. Lo kanga lo na bongo si lo zia lo na ya ti mbeni sanduku so anyama ayeke te ka kobe daa, ngbanga ti so ala wara ndo ti lango daa pepe na ya ti da ti agene.

1 Korente 12:23

Ambage ti tere so na le ti e, e yeke ne ni pepe so, ala laa e yeke ne ala mingi. Ambage ti tere so zo ayeke di iri ni kirikiri pepe so, ala yeke sara nzoni;

1 Timothée 1:14

Kota Gbia ti e Christ Jésus asara nzoni be na mbi ahon ndoni: lo mu na mbi mabe na ndoye so aga na lege so mbi ga oko na Jésus Christ.

1 Timothée 1:5

Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 2:9

Mbi ye nga si awali ayu bongo so ayeke na legeni: bongo so afa nengo tere ti ala, bongo ti sarango na baba pepe; ala leke kua ti li ti ala na kode ahon ndoni pepe, ala yu aye ti lôro wala alenge pepe, ala yu abongo ti kota nginza pepe.

Tite 2:12

Nzoni be ti lo afa na e titene e zia lege ti kengo Nzapa, e zia nzara ti aye ti gigi so. Tongaso, na lege ti dutingo ti e, e sara ye ahon ndoni pepe, me na legeni, e sara ye ti mbirimbiri, e ngba ti gbu tënë ti Nzapa ngangu

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.