1 Timothée 1:9 - Mbeti ti Nzapa - Tënë so amu fini

⁹ Alingbi e hinga ye so: azo so ayeke sara ye mbirimbiri, ndia ayeke ndali ti ala pepe; me ndia ayeke ndali ti azo so ake ti ma yanga, azo ti ngangu li, azo so ake tënë ti Nzapa, azo ti sarango siokpari, azo so akpe ye ti Nzapa wala ye ti yingo pepe, azo so ayeke fâ ababâ na amama ti ala, azo ti fango zo,

1 Timothée 1:9 ပူးပေါင်းရင်းမြစ်များ

2 Samuel 16:11

David atene na Abishai nga na azo ti yangbo ti lo kue, atene: “So molenge ti mbi so asigigi na ya ti mbi aye ti fâ mbi so, fade zo ti mara ti Benjamin so asara ye tongaso pepe? Ala zia lo, lo deba mbi tongana KOTA GBIA laa amu yanga na lo.

2 Agbia 19:37

Mbeni lâ, so lo yeke sambela na ya ti da ti nzapa ti lo Nisrok, Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

2 Mbai 32:21

Tongaso *KOTA GBIA atokua mbeni *ange so afâ ya ti bâbâ ti gbia ti Asirii, akpengba zo ti bira kue, aturugu ti kota kamba, na akota zo ti lo. Gbia ti Asirii ni akiri na kodro ti lo, na kamene na le ti lo. Na pekoni, lo li na ya ti da ti nzapa ti lo si taa amolenge ti lo laa afâ lo na yongoro zeme.

Sigingo 20:13

“Alingbi mo fâ zo pepe.

Sigingo 21:14

Me tongana zo asara ngonzo na tere ti mba ti lo si lo fâ mba ti lo ni na lege ti mayere, ataa lo kpe, lo luti na tere ti gbalaka ti mbi, fade ala gbu lo, ala fâ lo.

Amato 20:20

Zo so adeba babâ na mama ti lo, fini ti lo akpa lamba so amingo na bi.

Amato 28:17

Zo so ngbanga ti kuâ ti mbeni zo ayeke na li ti lo, lo yeke kpe ngbii ti li na da ti kanga; ayeke nzoni zo oko akanga lege na lo pepe.

Amato 28:24

Zo so anzi babâ na mama ti lo si lo tene: “So siokpari laa pepe”, zo ni ayeke legeoko na zo ti fango zo!

Amato 30:11

“Ambeni zo ayeke daa so ayeke deba babâ ti ala si ala yeke tene nzoni tënë na ndö ti mama ti ala pepe.

Amato 30:17

Zo so ahe babâ ti lo si lo ke ti ma yanga ti mama ti lo, fade *akpakpo ti tere ti ngu ayeke koro le ti lo si *angoalo ayeke te lo.

Jérémie 23:11

Ataa awayanga-Nzapa na awayango-sandaga, ala kue aga sioni. Ataa na ya ti kota da ti mbi, mbi baa peko ti asioni sarango ye ti ala ni; so tënë ti yanga ti KOTA GBIA laa.

Ezekiel 21:25

Oko ti alege ni, aturugu ti Babilone ayeke mu ni ti gue na Raba, gbata ti azo ti mara ti Amon. Use lege ni, ala yeke mu ni ti gue na Juda, na Jérusalem, gbata so a sara ngangu gbagba na tere ni.

Awayango-sandaga 20:9

“Tongana mbeni zo adeba babâ ti lo wala mama ti lo, alingbi a fâ lo. Ngbanga ti mene ti lo akiri na li ti lo wani, ngbanga ti so lo deba babâ ti lo na mama ti lo.

Matthieu 10:21

Fade azo ayeke mu a-ita ti ala titene azo afâ ala; babâ ayeke mu nga molenge ti lo titene azo afâ lo; amolenge ayeke ga wato ti babâ na mama ti ala ti mu ala titene azo afâ ala.

Rome 1:30

ala yeke tene sioni tënë na iri ti amba ti ala; ala yeke awato ti Nzapa, ala yeke azo ti sioni yanga, ala baa tere ti ala kota ahon azo kue, ala yeke pika kate ti ala mingi, ala yeke gi gi akode ti sarango sioni, ala yeke sara ngangu li na babâ na mama ti ala,

Rome 4:13

Nzapa amu zendo na Abraham na *ahale ti lo so fade dunia so ayeke ga ye ti ala. Nzapa amu zendo ni na Abraham, ngbanga ti so lo sara ye na lege ti *Ndia pepe, me ngbanga ti so Nzapa abaa lo tongana zo ti mbirimbiri na lege ti mabe ti lo.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Rome 6:14

Biani, siokpari ayeke kiri ti sara komandema na ndö ti ala pepe, ngbanga ti so ala yeke na gbe ti *Ndia mbeni pepe, me na gbe ti nzoni be ti Nzapa.

Galasii 3:19

Tongaso, kua ti Ndia ayeke nyen? Nzapa azia Ndia na tere ti mbuki ni titene e hinga ye so ake Ndia. Nzapa amu Ndia ti ku na gango ti hale ti Abraham, lo so Nzapa amu zendo ti mungo ye ni na lo. *A-ange laa amu Ndia ni aga na ni na azo si mbeni zo ayeke walekengo-songo.

Galasii 5:18

Me tongana Yingo ti Nzapa laa afa lege na ala, ala yeke na gbe ti *Ndia mbeni pepe.

Galasii 5:21

sarango nzara ti ye ti zo, nyongo samba na tengo kobe butuma, na ambeni mara ti ye tongaso. Mbi tene tënë so na ala kozoni awe, mbi yeke kiri na ndö ni: azo ti sarango aye tongaso, *Kodro-gbia ti Nzapa ayeke ga ti ala pepe.

Galasii 5:23

sarango ngangu na zo pepe nga na ngangu ti kanga nzara ti tere. Ndia ake aye tongaso pepe.

Ndia ti fani use ni 27:16

‘Deba aga na ndö ti zo so abaa babâ na mama ti lo tongana ambumbuse zo!’ Fade azo kue ayeke kiri tënë, atene: ‘Amen!’

2 Tesalonike 2:8

Fade Zo ti sioni ayeke si, Kota Gbia Jésus ayeke fâ lo biani biani na pupu ti yanga ti lo. Lo yeke mingo lo biani biani na lege ti zango ndo ti gango ti lo.

1 Timothée 4:7

Mo ke ambai ti mvene so azo ayeke tene kirikiri si alingbi na tënë ti mabe pepe so. Me mo gbu tënë ti Nzapa ngangu.

1 Timothée 6:20

Timothée, mo bata ye so Nzapa azia na maboko ti mo so nzoni. Mo kpe lege ti asenge senge tënë so asongo na mabe pepe, mo kpe nga lege ti atënë ti mvene ti azo so abaa ti ala atene, ala hinga aye ti nda ti gigi so.

2 Timothée 2:16

Mo kpe lege ti asenge senge tënë so asongo na mabe pepe. Biani, azo so amu tere ti ala na tenengo amara ti tënë so, fade ala yeke hon gi hongo yongoro na tere ti Nzapa.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

Tite 1:10

Biani, ambeni zo mingi ayeke daa so li ti ala akpengba, ala yeke diko abuba tënë si ala yeke handa azo; mingi ti ala ayeke azuife so aga azo ti Christ.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Tite 1:6

Alingbi kangba ayeke zo so tënë ayeke na li ti lo pepe, lo yeke gi na wali oko; amolenge ti lo ayeke azo so ama na be, zo ti bingo tënë na li ti ala ndali ti sarango ye ti kirikiri wala ti sarango ngangu li ayeke daa pepe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Ahebro 11:31

Na lege ti mabe, Rahab, wali-ndumba, ayamba na ndo ti lo na nzoni be azo ti *bembengo ndo, nilaa na ngoi so azo ti Israel aga ti fâ azo so ake Nzapa, lo kui pepe.

Ahebro 12:16

Ala sara hange si mbeni zo ti sarango ye ti ndumba aduti na popo ti ala pepe! Ala ne aye so ayeke ti Nzapa. Ala sara tongana Ezau pepe so aka ando ndo ti lo ti kozo molenge ndali ti sembe oko ti kobe.

1 Pierre 2:7

Ti ala, a-ita so ama na be, têne ni ane na le ti ala; me ti azo so ake ti ma na be, “têne so azo ti sarango da ake ni, ni laa akiri aga ngangu têne ti gere ti da ni.”

1 Pierre 3:20

so ti tene lo gue, lo fa tënë na ayingo ti azo so ake ando yanga ti Nzapa na ngoi so Noe aleke mangboko. Na ndembe so Nzapa akanga be ti lo ti ku titene ala kiri na be ti ala na lo, gi azo miombe senge laa ali na ya ti mangboko si na lege ti ngu, Nzapa asoo ala.

1 Pierre 4:18

Mbeti ti Nzapa atene: “Tongana ayeke ngangu na zo ti mbirimbiri ti soo kuâ, fade ti zo ti sioni na zo ti sarango siokpari ayeke duti tongana nyen?”

Jude 1:15

Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!