1 Timothée 1:7 - Mbeti ti Nzapa - Tënë so amu fini

⁷ Ala tene, ala yeke awafango-ndia, me atënë so ala yeke tene wala aye so ala yeke fa si yanga ti ala akpengba na ndö ni so, ala ma nga ya ni oko pepe.

1 Timothée 1:7 ပူးပေါင်းရင်းမြစ်များ

Matthieu 15:14

Ala zia afarizien ni: ala yeke awaziba, ala ye ti fa lege na amba ti ala awaziba! Tongana waziba afa lege na mbeni mba ti lo waziba, fade ala use kue ayeke ti na ya ti du!”

Matthieu 21:27

Tongaso ala kiri tënë na Jésus, atene: “E hinga pepe.” Nilaa lo nga, lo tene na ala: “Zo so amu lege na mbi ti sara aye so, mbi nga, mbi yeke di iri ti lo na ala pepe.”

Nzoni Tënë so Luc asu na mbeti 2:46

Na lango ota ni, ala wara lo na ya ti kota da ti Nzapa; lo duti na popo ti awafango-ye, lo yeke ma ala si lo yeke hunda nga ala na atënë.

Awatokua 15:1

Ambeni zo alondo na Judée, ala ga na Antioshe ti sese ti Sirii si ala yeke fa ye na a-ita, atene: “Tongana ala fâ *ganza alingbi na *Ndia ti Moïse pepe, ala lingbi ti soo kuâ pepe.”

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

Galasii 3:2

Mbi ye titene ala kiri tënë na mbi na ndö ti tënë oko so si: ala wara Yingo ti Nzapa ndali ti so ala sara ye alingbi na *Ndia wala na lege ti Nzoni Tënë so ala ma si ala ma na be na ni?

Galasii 3:5

Nzapa ayeke mu na ala Yingo ti lo si lo yeke sara aye ti kpene na popo ti ala! Lo yeke sara aye so kue ndali ti so ala sara ye alingbi na Ndia wala ndali ti so ala ma Nzoni Tënë si ala ma na be na ni?

Galasii 4:21

Ala tene na mbi mbirimbiri, ala so aye ti kiri na gbe ti *Ndia so: ala ma tënë so Ndia atene so pepe?

1 Timothée 6:4

andaa baba ahon ndö ti lo, lo hinga ye pepe. Lo yeke na kobela ti *bingbingo tënë na ti papa ndali ti lege so azo ayeke di iri ti aye. Aye tongaso ayeke du sarango nzara ti ye ti zo, papa, zongango ndo, bango zo tongana sioni zo senge senge

2 Timothée 3:7

awali so ayeke manda ye lakue, me ala lingbi ti hinga taa-tënë laoko pepe.

Jacques 3:1

A-ita ti mbi, alingbi azo mingi na popo ti ala aga awafango-ye pepe! Ala hinga atene, e so e yeke awafango-ye, fade Nzapa ayeke fâ ngbanga na li ti e ngangu ahon ti tanga ti azo kue.

2 Pierre 2:12

Me sarango ye ti azo so ayeke tongana ti anyama so ahinga ndo pepe; anyama so a du ala gi titene azo agbu ala si afâ ala. Azo ni ayeke zonga ye so ala hinga nda ni pepe; fade ala yeke kui tongana anyama so.