1 Timothée 1:5 - Mbeti ti Nzapa - Tënë so amu fini

⁵ Nda ti yanga so mbi mu ayeke titene mo sara si ndoye akono, ndoye so aga na lege ti vurungo be, be so sioni ye oko ayeke daa pepe nga na taa mabe.

1 Timothée 1:5 ပူးပေါင်းရင်းမြစ်များ

Abia (Psaumes) 24:4

Zo so maboko ti lo asara sioni oko pepe, zo so be ti lo avuru, zo so adeba yanga ti lo na tënë ti mvene pepe, zo so adeba yanga ti lo ti handa azo pepe.

Abia (Psaumes) 51:10

Sara si mbi ma atënë ti ngia si tere ti mbi anzere. Tongaso si mbi so mo kungbi mbi awe, mbi londo ti dodo.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Sofonii 3:7

Mbi tene na be ti mbi, mbi tene: ‘Mo gbata so, tongana mo kpe fade mbeto ti mbi, tongana mo ma fade wango ti mbi, ka a yeke buba mo pepe.’ Me lakue so mbi yeke ga ti pika mo, azo ti mo ayeke kpe hio ti sara sioni ahon ndoni.

Matthieu 12:35

Nzoni zo ayeke sigigi na anzoni ye so ayeke na be ti lo; sioni zo ayeke sigigi na asioni ye so ayeke na be ti lo.

Matthieu 5:8

Ti ala nzoni, ala so ayeke na vuru be, ngbanga ti so ala yeke baa ande Nzapa!

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Awatokua 24:16

Ndani laa, mbi nga, mbi yeke sara ngangu lakue titene mbeni sioni ye aduti na be ti mbi na le ti Nzapa pepe nga na le ti azo pepe.

Rome 10:4

Biani, Christ asara si *Ndia ti Moïse asi na nda ni, tongaso si azo so kue ama na be, ala ga mbirimbiri na le ti Nzapa.

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

Rome 14:15

Tongana mba ti mo awara vundu ndali ti mbeni kobe so mo yeke te, so afa atene, mo sara ye na lege ti ndoye pepe. Zo so Christ akui ndali ti lo, alingbi mo buba lege ti lo ndali ti tënë ti kobe pepe!

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

1 Korente 13:1

Tongana mbi tene ayanga ti kodro ti azo na ayanga ti *a-ange si mbi ye amba ti mbi pepe, andaa mbi yeke tongana gbagba ngo so ayeke toto wala mbeni wen so ayeke toto mingi.

2 Korente 1:12

Ye so e yeke gonda tere ti e daa ayeke so: be ti e afa na e atene, dutingo ti e na dunia so, e duti na vuru be nga na be so sioni oko ayeke daa pepe. E duti tongaso mbirimbiri na mbage ti ala na lege ti ndara ti azo pepe, me na lege ti nzoni be ti Nzapa.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Ndia ti fani use ni 10:12

Moïse atene: Ala azo ti Israel, ye so *KOTA GBIA Nzapa ti ala ayeke ku na mbage ti ala fadeso ayeke nyen? Lo yeke ku gi titene ala kpe mbeto ti lo, ala sara ye so kue lo ye, ala ye lo si ala sara kua na lo na be ti ala kue, na yingo ti ala kue.

1 Timothée 1:18

Timothée, molenge ti mbi, aye so mbi fa, mbi zia na maboko ti mo, alingbi na atënë ti peko ti yanga ti Nzapa so azo atene na ndö ti mo. Ayeke nzoni mo luti na ndö ti atënë ni ti tiri nzoni bira na legeni;

1 Timothée 1:19

mo bata mabe nzoni, mo duti na be so sioni ye oko ayeke daa pepe. Ambeni zo ake ti bata be ti ala nzoni, nilaa mabe ti ala ati.

1 Timothée 3:9

Ala bata tënë ti mabe so a sigigi na nda ni awe, ala bata tënë ni na vurungo be.

2 Timothée 1:3

Mbi mu singila mingi na Nzapa so mbi yeke sara na lo na vuru be tongana ti so akotara ti mbi asara ando. Bi na lâ, mbi yeke zia mo lakue na ya ti asambela ti mbi.

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 2:22

Mo kpe aye nde nde so nzara ni ayeke gbu ka amaseka. Mo sara kue ti ga mbirimbiri na le ti Nzapa, ti duti na mabe, na ndoye nga na siriri na azo so ayeke sambela Kota Gbia na vurungo be.

Tite 1:15

Ye kue ayeke *nzoni ndali ti azo so be ti ala avuru. Me ti azo so ayeke *sioni si ala ke ti ma na be, mbeni *nzoni ye oko ndali ti ala ayeke daa pepe. Hingango ndo ti ala nga na be ti ala kue aga *sioni awe.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 13:18

Ala sambela ndali ti e. E hinga biani na be ti e, e tene, mbeni ye ti sioni ayeke na be ti e pepe; e ye si sarango ye ti e ayeke nzoni na ya ti aye kue.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

2 Pierre 1:7

na ndö ti gbungo tënë ti Nzapa ngangu, ala zia yengo amba ti ala; na ndö ti yengo amba ti ala, ala zia ndoye.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.

1 Jean 3:3

Zo so kue azia be ti lo ti ku ye so na maboko ti Christ, lo yeke sara titene lo ga *nzoni tongana ti so Christ ayeke *nzoni.