1 Timothée 1:3 - Mbeti ti Nzapa - Tënë so amu fini

³ Tongana ti so mbi mu lani yanga na mo na guengo ti mbi na sese ti Masedoane, ayeke nzoni mo ngba na gbata ti Efeze. Kâ, ambeni zo ayeke fa ye so alingbi na tënë ti Nzapa pepe. Alingbi mo ke na ala na kuru go ti fa aye ni so.

1 Timothée 1:3 ပူးပေါင်းရင်းမြစ်များ

Awatokua 18:19

Ala si na Efeze, Paul azia Priscille na Akilas kâ. Lo gue na ya ti da ti sambelango Nzapa si lo tene tënë na azuife.

Awatokua 18:21

So lo zia ala ti hon, lo tene na ala: “Tongana Nzapa aye, fade mbi yeke kiri ti ga ge na ndo ti ala.” Tongaso lo mu mangboko na Efeze si lo gue.

Rome 15:26

Biani, azo ti Christ ti Masedoane na ala ti Akayi aleke na be ti ala ti bi nginza ti tokua na azo ti Nzapa so ayeke na ya ti mawa.

Rome 16:17

A-ita, ye so mbi hunda na ala mingi ayeke so: ala sara hange na azo so ayeke ga na tënë ti kangbi nga na tënë so asara si azo ati na ya ti siokpari; azo ni azia lege ti tënë so e fa na ala so awe. Ala zia lege ti azo ni so,

2 Korente 11:4

Biani, ala yeke kanga be ti ala titene mbeni zo ti kirikiri aga afa na ala mbeni Jésus nde na Jésus so e fa tënë ti lo na ala. Ala yeke lakue nduru ti yamba mbeni yingo nde na Yingo so ala wara kozoni, ala yeke yeda nga na mbeni nzoni tënë nde na Nzoni Tënë so ala ma kozoni!

Efeze 4:14

Fade e yeke kiri ti duti tongana akete molenge pepe so *mapo ti atënë nde nde ayingi ala, so pupu ti azo ti mvene nga na fango ye ti ala na lege ti mayere ahon na ala kirikiri tongana ngo na le ti ngu.

Filipe 2:24

Na lege ti gango so e ga oko na Kota Gbia, mbi hinga biani na be ti mbi so fade mbi nga, mbi yeke si na ala kâ na ya ti alango so ayeke ga.

1 Timothée 4:11

Ye so mo lingbi ti mu yanga na azo daa si mo fa ni na ala laa.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

1 Timothée 5:7

Tënë so laa mo lingbi nga ti mu yanga daa na awali-mua na asewa ti ala si ambeni zo awara mbeni tënë ti bi na li ti ala pepe.

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

1 Timothée 6:3

Zo so ayeke fa mbeni ye nde, tënë ti lo ague nde na ti *Kota Gbia ti e Jésus Christ si alingbi na nzoni lege ti vorongo Nzapa pepe,

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

2 Jean 1:7

Azo ti mvene asi singo, ala mu ndö ti dunia kue; ala yeke tene na azo atene, Jésus Christ amu ando tere ti zo pepe. Lege so ala yeke hinga na zo ti mvene, Wato ti Christ laa.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.