1 Timothée 1:20 - Mbeti ti Nzapa - Tënë so amu fini

²⁰ Himene na Alexandre ayeke na popo ti azo ni so. Mbi zia ala na maboko ti Satan titene ala manda ti kiri ti zonga Nzapa pepe.

1 Timothée 1:20 ပူးပေါင်းရင်းမြစ်များ

Matthieu 18:17

Tongana lo ke ti ma ala, mo fa peko ti tënë ni na azo ti *Eglize. Tongana lo ke ti ma azo ti Eglize, mo baa lo tongana zo so ahinga Nzapa pepe, wala tongana zo ti rongo nginza ti lapo.

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

Awatokua 19:33

Azuife amu Alexandre azia lo na le ti azo, ambeni zo ni afa nda ti tënë ni na lo. Tongaso Alexandre asara maboko ti lo na azo ni titene ala duti kpoo si lo fa na ala nda ti tënë ni.

1 Korente 11:32

Me Kota Gbia afâ ngbanga ti e si lo pika e titene lo fâ ngbanga na li ti e tongana ti tanga ti azo ti dunia so pepe.

2 Korente 10:6

Tongana ala, azo ti Korente, ala ma yanga ti Christ nzoni, fade e yeke duti nduru ti fâ ngbanga na li ti azo so kue ake ti ma yanga.

2 Korente 13:10

Ndani laa, so mbi de yongoro na ala, mbi yeke su mbeti so ti tokua na ala. Tongaso, tongana mbi si na popo ti ala, mbi yeke so na ndö ti ala pepe. *Kota Gbia amu na mbi ngangu ti sara si *Eglize ti ala akpengba, me ti buba Eglize ni pepe.

2 Tesalonike 3:15

Ye oko, ala baa lo tongana wato ti ala pepe, me ala mu wango na lo tongana ti so ala yeke sara fade na mbeni ita, zo ti Christ.

1 Timothée 5:15

Biani, ambeni wali-mua agirisa lege awe si ala mu peko ti Satan.

2 Timothée 2:14

Mo dabe ti azo na atënë so kue. Na le ti Nzapa, mo tene na ala ti kai apapa ndali ti lege so azo ayeke di iri ti aye. Apapa so ayeke sara nzoni ye oko na zo pepe, ayeke sara gi sioni na azo so ayeke ma ni.

2 Timothée 2:17

Tënë ti yanga ti azo ni ayeke tongana sioni ka so ayeke te tere ti zo kue; Himene na Filete ayeke nga na popo ti azo so.

2 Timothée 3:2

Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda tere ti ala; ala yeke zonga Nzapa si ala yeke sara ngangu li na ababâ na amama ti ala. Ala yeke hinga anzoni ye so a sara na ala pepe si ala yeke kpe ye ti Nzapa oko pepe.

Ahebro 12:5

Be ti ala agirisa na wango so Nzapa ayeke mu na ala tongana ti so babâ ayeke mu na amolenge ti lo; lo tene: “Molenge ti mbi, tongana *Kota Gbia apika mo ti zia mo na nzoni lege, mo baa ni tongana senge ye pepe. Tongana Kota Gbia asuku na mo, ayeke nzoni be ti mo awoko pepe,

Aye so Nzapa afa 13:1

Na pekoni, mbi baa mbeni nyama so alondo na ya ti kota ngu-ingo si ayeke sigigi. Lo yeke na adidi baleoko, ali ti lo ayeke mbarambara. Akpoto ti gbia ayeke na ndö ti adidi ti lo ni oko oko kue; a su airi ti zongango Nzapa na ndö ti li ti lo oko oko kue.

Aye so Nzapa afa 3:19

Azo so kue mbi ye ala, mbi yeke pika ala si mbi yeke kiri ala na nzoni lege. Zia be ti mo kue na sarango kua, zia sioni lege ti sarango ye ti mo!