1 Timothée 1:15 - Mbeti ti Nzapa - Tënë so amu fini

¹⁵ Tënë so ayeke taa-tënë, ayeke nzoni azo kue ayeda na ni na be ti ala kue: Jésus Christ aga na dunia so ti soo azo ti siokpari na kuâ. Na popo ti azo ti siokpari ni, mbi laa mbi yeke kozo zo ni,

1 Timothée 1:15 ပူးပေါင်းရင်းမြစ်များ

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Matthieu 1:21

Lo yeke du ande molenge-koli so fade mo yeke di iri ti lo Jésus, ngbanga ti so lo laa lo yeke soo azo ti lo na ya ti asiokpari ti ala.”

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:11

*Molenge ti Zo aga ti soo azo so agirisa awe.]

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Marc 2:17

Jésus ama ala si lo tene na ala: “Azo so ayeke na nzoni tere ayeke na nzara ti gue ti baa wanganga pepe; me gi azo ti kobela laa ayeke na nzara ti gue ti baa wanganga. Mbi ga ti iri azo so ayeke mbirimbiri pepe, me mbi ga ti iri azo ti siokpari.”

Nzoni Tënë so Luc asu na mbeti 15:2

*Afarizien na awafango-ndia ayeke kasa lo, atene: “Koli so ayeke yamba azo ti siokpari si lo na ala ayeke te kobe!”

Nzoni Tënë so Luc asu na mbeti 19:10

Biani, *Molenge ti Zo aga ti gi na ti soo azo so agirisa awe.”

Nzoni Tënë so Luc asu na mbeti 5:32

Mbi ga ti iri azo ti mbirimbiri pepe, me mbi ga ti iri azo ti siokpari titene ala zia ngbene lege ti sarango ye ti ala.”

Jean 1:12

Me azo so kue ayamba lo si ama na be na lo, lo mu na ala lege ti ga amolenge ti Nzapa.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 12:47

Tongana mbeni zo ama atënë ti mbi si lo sara ye alingbi na ni pepe, mbi laa mbi yeke fâ ngbanga na li ti lo pepe. Biani, mbi ga ti fâ ngbanga na li ti azo ti dunia so pepe, me mbi ga ti soo azo ti dunia so na kuâ.

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Awatokua 11:1

*Awatokua na a-ita, azo ti Jésus so ayeke na Judée ama a tene, azo ti amara nde nga ayeda na tënë ti Nzapa.

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 3:26

Ndali ti ala, azo ti Israel, Nzapa asoro zo ti kua ti lo si lo tokua lo kozoni ti sara tufa na ndö ti ala tongana ala oko oko azia ngbene lege ti sarango ye ti ala.”

Rome 11:14

ti sara si, tongana lege ayeke daa, azo ti mara ti mbi asara kota be si mbi soo ambeni na popo ti ala.

Rome 5:6

Biani, na ndembe so lani e yeke na ngangu pepe, Christ akui ndali ti azo ti siokpari, gi na ngoi so Nzapa aye.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 1:19

mo bata mabe nzoni, mo duti na be so sioni ye oko ayeke daa pepe. Ambeni zo ake ti bata be ti ala nzoni, nilaa mabe ti ala ati.

1 Timothée 3:1

Tënë so ayeke taa-tënë: tongana zo aye ti ga zo ti li ti *Eglize, andaa nzoni kua laa lo ye ni so.

1 Timothée 4:9

Tënë so ayeke taa-tënë, ayeke nzoni azo kue ayeda na ni na be ti ala kue.

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

2 Timothée 2:11

Tënë so ayeke taa-tënë: “Tongana e na lo, e kui, fade e na lo kue, e yeke kiri na fini;

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

1 Jean 5:11

Tënë so Nzapa atene ayeke so: Nzapa amu na e fini so angba lakue lakue, lo mu ni na e na lege ti Molenge ti lo.

Aye so Nzapa afa 21:5

Na pekoni, lo so ayeke duti na ndö ti mbata ti gbia atene: “Fadeso, mbi mu aye kue, mbi sara na fini ni.” Tongaso, lo tene na mbi: “Su tënë so na mbeti, ngbanga ti so atënë ni ayeke taa-tënë, zo alingbi ti zia be ti lo na ndö ni.”

Aye so Nzapa afa 22:6

Na pekoni, *ange ni atene na mbi: “Tënë so ayeke taa-tënë, zo alingbi ti zia be ti lo na ndö ni. *Kota Gbia, Nzapa so ayeke mu Yingo ti lo na awayanga-Nzapa, lo laa lo tokua ange ti lo ti fa na azo ye so aga nduru ti si.”

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.