1 Timothée 1:13 - Mbeti ti Nzapa - Tënë so amu fini

¹³ Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 1:13 ပူးပေါင်းရင်းမြစ်များ

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Awayango-sandaga 13:16

Tongana ndo so kasa ti tere ti zo ni asigigi daa akiri aga vuru ni, fade lo yeke gue na ndo ti wayango-sandaga;

Wungo ti azo 15:30

“Me tongana mbeni zo ti Israel, wala mbeni wande asara siokpari gi na mbana ti be ti lo, andaa lo zonga KOTA GBIA awe. Fade a yeke tumba lo na ya ti bongbi ti azo ti lo.

Nzoni Tënë so Luc asu na mbeti 12:47

Zo ti kua so ahinga ye so makonzi ti lo aye, me lo leke ye oko pepe, wala lo sara ye alingbi na yanga ti makonzi ti lo ni pepe, fade a yeke pika lo mingi.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Awatokua 22:4

Mbi sara ngangu na azo so amu lege ti *Kota Gbia si ambeni awara kuâ. Mbi gbu akoli na awali si mbi bi ala na da ti kanga.

Awatokua 3:17

“Fadeso a-ita, mbi hinga, mbi tene, ye so ala na amakonzi ti ala asara na Jésus, ala hinga ni pepe.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:1

Nzara ti sarango sioni na adisiple ti *Kota Gbia angba lakue na be ti Saul si lo yeke gi lege ti fâ ala. Tongaso, lo gue, lo baa kota wayango-sandaga,

Awatokua 9:13

Ananias akiri tënë, atene: “Kota Gbia, azo mingi atene tënë ti koli so na mbi. Ala tene na mbi tënë ti aye ti sioni so kue lo sara na azo ti mo na Jérusalem.

Awatokua 9:5

Saul ahunda ndo, atene: “Mo yeke zo wa, Kota Gbia?” Go ni atene: “Mbi Jésus laa mo yeke sara ngangu na mbi so.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

1 Korente 7:25

Ti ala so ade ti mu koli wala wali pepe, *Kota Gbia amu na mbi yanga na ndö ti ala pepe; me mbi yeke fa tënë ti be ti mbi tongana ti zo so ala lingbi ti zia be ti ala na ndö ti tënë ti lo, ngbanga ti so Kota Gbia asara nzoni be na mbi.

Galasii 1:13

Biani, a-ita, ala ma tënë ti sarango ye ti mbi na ndembe so mbi yeke voro ando Nzapa tongana ti azuife. Ala hinga so mbi sara ando ngangu mingi na *Eglize ti Nzapa si mbi ye nga ti buba Eglize ni biani.

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

1 Timothée 1:16

me Nzapa abaa mawa ti mbi. Tongaso, Jésus Christ akanga be ti lo mingi ti ku mbi, mbi so mbi yeke kozo zo ti sarango siokpari. Mbi ga tapande ndali ti azo so ayeke ma na be ande na lo ti wara fini so angba lakue lakue.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.