1 Timothée 1:12 - Mbeti ti Nzapa - Tënë so amu fini

¹² Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

1 Timothée 1:12 ပူးပေါင်းရင်းမြစ်များ

Matthieu 20:4

Lo tene na ala: ‘Ala nga, ala gue, asara kua na yaka ti mbi, fade mbi yeke futa ala alingbi na kua so ala yeke sara.’

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Awatokua 9:22

Me Saul ayeke kpengba lakue na lege ti fango tënë; lo yeke fa biani so Jésus ayeke *Mesii. Nilaa azuife ti Damas ahinga tënë so ala lingbi ti kiri ni na lo pepe.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 3:5

Apolos ayeke zo wa? Paul ayeke zo wa? Ala yeke gi azo ti kua so Nzapa amu ala ti sara si ala, azo ti Korente ama na be. Zo oko oko na popo ti azo ti kua ni asara gi ye so *Kota Gbia amu na lo ti sarango ni.

1 Korente 7:25

Ti ala so ade ti mu koli wala wali pepe, *Kota Gbia amu na mbi yanga na ndö ti ala pepe; me mbi yeke fa tënë ti be ti mbi tongana ti zo so ala lingbi ti zia be ti ala na ndö ti tënë ti lo, ngbanga ti so Kota Gbia asara nzoni be na mbi.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 3:28

Tongaso, zuife wala zo ti amara nde ayeke daa mbeni pepe, ngbaa wala zo so ayeke ngbaa pepe ayeke daa mbeni pepe, koli wala wali ayeke daa mbeni pepe. Biani, ala kue ayeke oko, ngbanga ti so ala ga oko na Jésus Christ awe.

Filipe 2:11

si ala kue atene na yanga ti ala, atene: Jésus Christ ayeke *Kota Gbia si ala gonda Nzapa Babâ.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

Kolose 1:25

Mbi ga zo ti kua ti Eglize alingbi na kua so Nzapa amu na mbi ti sara ndali ti ala: kua ni ayeke kua ti fango tënë ti Nzapa kue kue kue.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

1 Timothée 6:13

Mbi mu yanga na mo na le ti Nzapa so ayeke mu fini na aye kue nga na le ti Jésus Christ so atene pendere tënë ti mabe na le ti Ponse Pilate.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

2 Timothée 4:17

Kota Gbia, lo wani ayeke lani na mbi, lo mu ngangu na mbi. Tongaso, mbi fa tënë ti lo kue si azo kue ti amara nde ama ni. Kota Gbia azi mbi na yanga ti bamara awe!

Tite 1:4

Mbi tokua mbeti so na mo Tite so mo yeke taa molenge ti mbi na lege ti oko mabe so e yeke na ni. Ayeke nzoni Nzapa Babâ na Wasongo e, Jésus Christ asara nzoni be na mo si amu na mo siriri!

Philémon 1:9

Mbi ye fade ti mu yanga na mo pepe, me ndali ti so mbi na mo, e ye tere, mbi ye mingi ti hunda mbeni ye na mo. Mbi Paul, mbakoro zo, mbi yeke fadeso na da ti kanga ndali ti Jésus Christ.