1 Timothée 1:10 - Mbeti ti Nzapa - Tënë so amu fini

¹⁰ azo ti gingo wali wala gingo koli kirikiri, akoli so ayeke lango na amba ti ala akoli, azo so ayeke ka amba ti ala na ngbaa, azo ti mvene, azo so ayeke deba na tënë ti mvene, ala na azo so ayeke sara ye so ayeke nde na fango ye so ayeke mbirimbiri.

1 Timothée 1:10 ပူးပေါင်းရင်းမြစ်များ

Tongo nda ti aye 19:5

Ala iri Lot si ala hunda lo, atene: “Akoli so aga na ndo ti mo na bi so ayeke na ndo wa? Sigigi na ala titene e lango na ala.”

Tongo nda ti aye 37:27

E gue, e ka lo na azo ti mara ti Ismael so. E wani, e ndu lo pepe, ngbanga ti so lo yeke ita ti e, lo yeke taa mene ti e.” A-ita ti lo aye gbe ti tënë ti lo.

Tongo nda ti aye 40:15

Biani, a gbu mbi na ngangu na kodro ti ahebro si a ga na mbi ge. So mbi yeke ge so, mbi sara nga mbeni ye oko pepe si a bi mbi na da ti kanga so.”

Sigingo 20:7

“Alingbi mo di iri ti mbi KOTA GBIA Nzapa ti mo senge senge pepe. Biani, zo so adi iri ti mbi senge senge, mbi yeke zia lo senge pepe.

Sigingo 21:16

“Zo so anzi mbeni zo ti ka lo, wala lo ka lo awe wala a wara zo ni na ndo ti lo, alingbi ala fâ lo.

Osée 10:4

Ala yeke diko gba ti atënë, ala yeke deba ti mvene, ala yeke leke atënë ti *mbuki; me ti ala, tënë ti fango ngbanga ayeke tongana sioni pere ti fango zo so asigigi na ya ti yaka.

Awayango-sandaga 18:22

“Alingbi mo lango na mbeni koli pepe tongana ti so koli ayeke lango na wali. So ayeke sioni ye mingi!

Awayango-sandaga 20:13

“Tongana mbeni koli alango na mba ti lo koli tongana ti so koli ayeke lango na wali, ye so ala use kue asara so ayeke sioni mingi. Fade a yeke fâ ala; ngbanga ti mene ti ala ayeke kiri na li ti ala wani.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Zakarii 8:17

Ayeke nzoni ala gbu li ti ala pepe ti sara sioni na popo ti ala. Ala ke tënë ti dengo ba ti mvene, ngbanga ti so mbi ke aye so kue”; so tënë ti yanga ti KOTA GBIA laa.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Rome 1:26

Ndani laa Nzapa azia ala titene ala sara aye ti kamene so nzara ni ayeke sara ala ahon ndoni: awali ti ala azia lege ti akoli awe si ala yeke gi tere na popo ti ala; ye so alingbi fade titene zo asara pepe.

Ndia ti fani use ni 24:7

Moïse atene: Tongana mbeni zo na popo ti ala anzi ita ti lo, zo ti Israel, lo sara zo ni na ngbaa, wala lo ka ita ti lo ni, zo ti nzi ni alingbi na kuâ. Lege so fade ala yeke zi sioni ye na popo ti ala laa.

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

1 Timothée 6:3

Zo so ayeke fa mbeni ye nde, tënë ti lo ague nde na ti *Kota Gbia ti e Jésus Christ si alingbi na nzoni lege ti vorongo Nzapa pepe,

2 Timothée 1:13

Sara ye alingbi gi na tapande ti atënë so ayeke na legeni so mo ma na yanga ti mbi. Sara ye ni na lege ti mabe, na lege ti ndoye, na lege ti gango so e ga oko na Jésus Christ.

2 Timothée 4:3

Biani, mbeni ngoi ayeke ga so fade azo ayeke ye pepe ti ma fango ye so ayeke mbirimbiri, ala yeke sara ande gi aye ti be ti ala wani si ala yeke iri gba ti awafango-ye ti ga ti fa na ala tënë so anzere na mê ti ala.

Tite 1:13

Tënë so lo tene so ayeke taa-tënë. Ndani laa, alingbi mo suku na ala ngangu si mabe ti ala aduti na legeni;

Tite 1:9

Alingbi lo ngba gi na ndö ti tënë ti Nzapa so ayeke taa-tënë si alingbi gi na ti so azo ti Nzapa afa kozoni. Tongaso si lo lingbi ti mu wango na azo na lege ti fango ye so ayeke mbirimbiri, lo lingbi nga ti fa na azo ti kengo tënë so, ala girisa lege awe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.

Jude 1:7

Ala dabe ti ala na azo ti agbata ti Sodome na Gomore nga na ambeni kodro so ayeke na tere ni: azo ni asara asioni ye tongana ti a-ange so, ala mu be ti ala kue ti sara gi aye ti ndumba, ala sara asioni ye so akpa titene zo asara pepe. Fadeso ala yeke baa pasi na ya ti wâ so ayeke gbi lakue lakue; ala ga tapande ndali ti azo kue.

Aye so Nzapa afa 18:13

anzoni ye nde nde ti tongo na kobe, amara ti yombo nde nde, *mire, dukani, vin, mafuta, farini, *ble, abagara, ataba, ambarata, apusu ti mbarata, angbaa na azo so a gbu ala na ya ti bira.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!