1 Timothée 1:1 - Mbeti ti Nzapa - Tënë so amu fini

¹ Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

1 Timothée 1:1 ပူးပေါင်းရင်းမြစ်များ

Abia (Psaumes) 106:21

Ala girisa Nzapa, wasongo ala, lo so lo sara akota ye na Ezipte,

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 43:11

Mbi laa mbi yeke KOTA GBIA, gi mbi oko. Mbeni wasongo-zo nde ayeke daa pepe, gi mbi oko.

Ésaïe 43:3

Biani, mbi KOTA GBIA, mbi yeke Nzapa ti mo, Nzapa ti Israel so ayeke nde si ayeke nzoni kue, mbi yeke wasongo ala. Mbi mu Ezipte ti ga ye ti vongo na mo, mbi mu Etiopii na Seba ti sanze na mo.

Ésaïe 45:15

Nzapa ti Israel, mo laa mo yeke soo zo; mo yeke taa Nzapa so mo yeke na hondengo ni.

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Ésaïe 49:26

Azo so asara ngangu na mo, mbi yeke sara titene ala te kasa ti tere ti ala wani, ala yeke nyon mene ti ala si ahon ndö ti ala tongana zo so anyon fini vin si ahon ndö ti lo. Tongaso, fade azo kue ayeke hinga atene, mbi yeke KOTA GBIA, wasongo mo, wazingo mo, mbi, ngangu Nzapa ti Jacob!”

Ésaïe 60:16

Fade mo yeke nyon ngu ti me ti bagara ti amara nde, mo yeke te anzoni ye ti agbia ti ala. Tongaso, fade mo yeke hinga, mo tene, mbi KOTA GBIA laa mbi yeke wasongo mo, wazingo mo, ngangu Nzapa ti Jacob.

Ésaïe 63:8

Lo tene tënë ti azo ti Israel, lo tene: “Biani, ala yeke azo ti mbi; amolenge ti mbi so alingbi ti handa mbi pepe.” Lo laa lo yeke wasongo ala.

Osée 13:4

“Mbi laa, mbi yeke *KOTA GBIA, Nzapa ti mo, Israel, ti to nda ni na sese ti Ezipte ngbii asi fadeso. Mo hinga mbeni Nzapa nde pepe, gi mbi oko; mbeni wasongo mo ayeke daa pepe, gi mbi oko.

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

1 Korente 1:1

Mbi Paul, Nzapa airi mbi tongana ti so be ti lo aye titene mbi ga *watokua ti Jésus Christ; mbi na ita Sostene laa e tokua mbeti so

1 Korente 9:17

Tongana mbi wani laa mbi soro fade ti sara kua ni so, ka alingbi ti futa mbi. Me a hunda na mbi na ngangu ti sara kua ni, ngbanga ti so Nzapa laa azia ni na maboko ti mbi.

2 Korente 1:1

Mbi Paul, mbi yeke *watokua ti Jésus Christ na lege so be ti Nzapa aye. Mbi na ita Timothée laa e tokua mbeti so. E tokua mbeti ni na *Eglize ti Nzapa so ayeke na gbata ti Korente nga na azo ti Nzapa so ayeke na sese ti Akayi kue.

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Galasii 1:11

A-ita, mbi tene na ala, mbi tene: Nzoni Tënë so mbi yeke fa alondo na zo pepe.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

1 Timothée 2:3

Baa, ye so ayeke nzoni si anzere na le ti Nzapa, Wasongo e laa.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

1 Timothée 4:10

Biani, pasi so e yeke baa wala bira so e yeke tiri ayeke ndali ti so e zia be ti e ti ku Nzapa so ayeke na fini. Lo yeke Wasongo azo kue, mbirimbiri azo so ama na be.

Tite 1:3

So ngoi ni alingbi awe, Nzapa, Wasongo e afa tënë ti lo, lo mu na mbi tënë ni si mbi yeke fa ni na peko ti yanga so lo mu na mbi.

Tite 2:10

ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Tite 3:4

Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

Tite 3:6

Nzapa asara si Yingo-Vuru aga mingi na ndö ti e na lege ti Jésus Christ, Wasongo e.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

1 Jean 4:14

E baa na le ti e si e yeke tene na azo tënë so: Babâ atokua Molenge ti lo titene lo ga Wasongo azo ti dunia so.

Jude 1:25

Lo oko laa lo yeke Nzapa, Wasongo e na lege ti Jésus Christ, *Kota Gbia ti e. Gonda, kota ndo, ngangu nga na komandema ayeke ti lo, ando ngu na ngu, fadeso ngbii gbanda kpu na kpu! Amen.