1 Tesalonike 5:9 - Mbeti ti Nzapa - Tënë so amu fini

⁹ Nzapa asoro e titene ngonzo ti lo ati na ndö ti e pepe, me lo soro e titene e soo kuâ na lege ti Kota Gbia ti e Jésus Christ

1 Tesalonike 5:9 ပူးပေါင်းရင်းမြစ်များ

Mbeti ti Job 23:14

Ye so lo leke na be ti lo ti sara na mbi, fade lo yeke sara ni; mara ti aye ni so angba mingi na be ti lo ti sara.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Amato 16:4

Ye so kue KOTA GBIA asara, nda ni ayeke daa. Ataa zo ti sioni, lo sara lo ti ku na lango ti ye ti sioni.

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Awatokua 1:20

Andaa a su na ya ti mbeti ti Abia, atene: ‘Ayeke nzoni ya ti da ti lo angba senge, mbeni zo alango daa pepe.’ Mbeni mbeti so a su, atene: ‘Ayeke nzoni mbeni zo amu kua na peko ti lo.’

Awatokua 1:25

ti sara kua ti watokua na peko ti Judas so azia kua ni ti gue na ndo so alingbi na lo.”

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Rome 11:30

Ando, ala azo ti amara nde, ala ke yanga ti Nzapa; me fadeso, Nzapa abaa mawa ti ala, ndali ti so azuife ama yanga ti lo pepe.

Rome 11:7

Nyen? Ye so azo ti Israel agi, ala wara ni pepe, gi azo so Nzapa asoro ala laa awara ye ni. Me ti tanga ti azo ni, Nzapa asara si mango ya ti tënë ni aga ngangu na ala,

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

1 Tesalonike 3:3

Tongaso, pasi so e yeke baa fadeso asara si mbeni zo oko na popo ti ala ati pepe. Ala wani ahinga so, amara ti pasi tongaso ayeke aye so Nzapa aleke ni ndali ti e kozoni.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 1:16

me Nzapa abaa mawa ti mbi. Tongaso, Jésus Christ akanga be ti lo mingi ti ku mbi, mbi so mbi yeke kozo zo ti sarango siokpari. Mbi ga tapande ndali ti azo so ayeke ma na be ande na lo ti wara fini so angba lakue lakue.

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.

1 Pierre 2:8

Mbeti ti Nzapa akiri atene: “Ayeke têne so azo ayeke pika gere ti ala daa, kota têne so ayeke sara titene azo ati.” Ala yeke pika gere ti ala na têne ni, ngbanga ti so ala ke ti yeda na tënë ti Nzapa. Ye so Nzapa aleke ala ando ndali ni laa.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 2:3

Ndali ti nzara ti nginza, azo so ayeke handa ala ti te ala na lege ti atënë ti mvene. Me ti azo ni, aninga mingi so ngbanga ti ala alondo awe, ngbanga so aga nduru ti ti na ndö ti ala: kpale so ayeke mingo ala ade yongoro pepe.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.