1 Tesalonike 5:3 - Mbeti ti Nzapa - Tënë so amu fini

³ Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

1 Tesalonike 5:3 ပူးပေါင်းရင်းမြစ်များ

Mbeti ti Job 15:21

Lo yeke ma toto ti mbeni go so ayeke zia mbeto na be ti zo. Na ngoi so lo yeke duti na siriri si azo ti bubango ye ayeke ti na ndö ti lo.

Mbeti ti Job 24:23

Andaa Nzapa azia lege na ala ti duti kpoo; me le ti lo ayeke na ndö ti sarango ye ti ala.

Abia (Psaumes) 35:8

Ayeke nzoni mbeni kota ye ti ngangu so ala hinga li ti ala daa pepe asi na ala. Ayeke nzoni gbanda so ala wani ahonde so agbu ala si ala wara kuâ na ya ti kota ye ti ngangu so!

Abia (Psaumes) 48:6

Gi so ala baa KOTA GBIA awe, be ti ala ado, mbeto agbu ala ahon ndoni si ala kpe kirikiri.

Abia (Psaumes) 55:15

Mbi na mo, e yeke tene tënë ti be ti e lani na popo ti e, e yeke tambula legeoko ti gue na kota da ti Nzapa.

Abia (Psaumes) 69:22

Ala zia sioni yoro na ya ti kobe ti mbi; tongana nzara ti ngu asara mbi, ala mu na mbi kpingo vin ti nyon.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Ésaïe 20:6

Na lango ni so, azo so ayeke lango na yanga ti kota ngu-ingo so ayeke tene: “Azo so lani e zia be ti e na ndö ti ala so, baa ye so asi na ala laa! E ye lani ti honde tere ti e na ndo ti ala, titene ala mu na e maboko, titene ala zi e na maboko ti gbia ti Asirii! Fadeso e yeke sara tongana nyen?”

Ésaïe 29:5

Gba ti awato ti mo ayeke duti tongana kete le ti fuku ti sese; gba ti azo so asara ngangu na mo ayeke ga tongana holengo pere so pupu amu ahon na ni.” Mo ye ti baa,

Ésaïe 30:13

Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Ésaïe 47:11

Baa, fade mbeni ye ti mawa ayeke ti na ndö ti mo, mo yeke hinga lege so mo yeke sigigi na ya ni pepe. Baa, mbeni kpale ayeke ti na ndö ti mo, mo yeke hinga lege ti bata tere ti mo daa pepe. Mbeni ngangu pupu ayeke ga na ndö ti mo biaku, mo yeke hinga li ti mo na ni pepe.

Ésaïe 47:9

Baa, fade aye ti mawa use so ayeke si na mo: gi hio tongaso, na ya ti lango oko, amolenge ti mo ayeke kui, mo yeke ga nga wali-mua. Ataa gba ti azo ti mo ti yoro, ataa ngangu ti azo ti mazi ti mo, fade aye so kue ayeke si na mo.

Ésaïe 56:12

Ala tene: “Ala ga, e gue, e gi vin, e nyon ngangu samba alingbi na e. Kekereke, e yeke kiri ti sara gi tongaso: samba angba mingi.”

Jérémie 13:21

Azo so lani mo mu lege na ala ti ga akamarade ti mo so, na ndembe so ala yeke ga ti so na ndö ti mo, fade mo yeke tene nyen? Mo yeke baa pasi tongana wali na ndembe ti dungo ni.

Jérémie 14:19

“KOTA GBIA, mo ke Juda biani awe? Be ti mo ake *Sion awe? Ngbanga ti nyen si mo zia ka na tere ti e si ka ni amu pepe so? E baa ti e lani e tene, fade e yeke duti nzoni, me ye ti nzoni oko ayeke daa pepe. E yeke ku lani ngoi titene ka ti e amu, me kota mbeto laa aga.

Jérémie 22:23

Mo so lani mo duti kpoo na ndö ti hoto ti Liban; lani mo sara da ti mo na ya ti keke ti sedre tongana ti ndeke, fade mo yeke dema na ndembe so pasi ayeke ga na ndö ti mo; ye ayeke gboto mo si mo yeke do tere ti mo tongana wali na ndembe ti dungo ni!”

Jérémie 4:31

Mbi ma mbeni go; go ni akpa ti wali so ya ti lo ayeke so ti du si lo yeke dema tere ti lo. Go ni akpa ti wali so ayeke du kozo molenge ti lo; go ni so ayeke go ti *Sion, pendere gbata: lo wu pupu gbaa si lo yeke dema; lo yoro maboko ti lo na nduzu si lo tene: “Ti mbi awe! Azo ti fango zo afâ mbi awe!”

Jérémie 6:14

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Jérémie 6:24

“Na mango tënë so, e woko kue si be ti e afun kue. E baa pasi tongana wali na ndembe ti dungo ni.

Jérémie 8:11

Ye ti ngangu asi na azo ti mbi tongana kota ka; me ala kanga ka ni na legeni pepe si ala yeke tene: ‘Ye kue ayeke nzoni! Ye kue ayeke nzoni!’ Andaa ye ayeke nzoni oko pepe.

Ezekiel 13:10

“Awayanga-nzapa ni ayeke handa azo ti mbi, atene: ‘Siriri ayeke daa’, andaa siriri ayeke daa pepe. Azo ti mbi ayeke sara gbagba, me ti awayanga-nzapa ni, ala duti ti ala gi ti leke tere ni na potopoto.

Osée 13:13

Fade songo ya ti wali so aga nduru ti du ayeke kiri na ndö ti ala; me molenge ni ahinga ndo pepe: so ndembe ti dungo lo alingbi awe, lo ke ti sigigi na ya ti mama ti lo.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Jean 16:21

Tongana ngbonga ti dungo ti wali aga nduru, lo yeke na vundu, ngbanga ti so lango ti pasi ti lo asi awe. Me tongana lo du molenge ni awe, lo girisa pasi ti lo; be ti lo ayeke na ngia, ngbanga ti so lo du molenge na sese awe.

Awatokua 13:41

‘Azo so abaa tënë ti Nzapa tongana buba ye so, ala baa! Ala sara mbeto si ala kpe ahon! Biani, na ngoi so ala de na fini, mbi yeke sara mbeni ye, ye so, ataa mbeni zo atene peko ni na ala, ala yeke yeda na ni pepe.’ ”

Ndia ti fani use ni 29:19

Fade KOTA GBIA ayeke zi tënë ni na li ti lo pepe. Ngonzo na mbanda ti KOTA GBIA ayeke londo tongana menga ti wâ na tere ti zo ni. Adengo ba so kue a su tënë ni na ya ti mbeti so, lo yeke sara titene ati na ndö ti zo ni; lo yeke zi iri ti zo ni na ndö ti sese.

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

Ahebro 12:23

A-ita, ala ga nduru na bongbi ti akozo molenge ti Nzapa awe, ala so a su iri ti ala na mbeti kâ na yayu. Ala ga nduru na Nzapa awe, lo so lo yeke fâ ngbanga ti azo kue. Ala ga nduru awe na ayingo ti azo ti mbirimbiri so aga nzoni kue so.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.

Awafango-ngbanga 8:11

Gédéon amu lege so azo ti mbage ti To ayeke mu; lege ni ayeke na To ti Noba na ti Yogboha; lo kinda aturugu ni. Andaa ala baa ti ala fade atene, ani yeke na siriri.