1 Tesalonike 4:9 - Mbeti ti Nzapa - Tënë so amu fini

⁹ Tënë ti yengo tere na popo ti ala tongana a-ita, so ayeke ye titene mbeni zo akiri asu mbeti na ala na ndö ni pepe, ngbanga ti so Nzapa afa na ala lege ti yengo tere awe.

1 Tesalonike 4:9 ပူးပေါင်းရင်းမြစ်များ

Abia (Psaumes) 133:1

A yeke he bia so na ndembe ti guengo ni na Jérusalem. Bia ti David. Baa, so ayeke nzoni ye mingi si anzere mingi titene a-ita aduti na ndo oko, na beoko.

Ésaïe 51:13

Be ti ala agirisa na KOTA GBIA awe; lo laa lo sara ala, lo laa lo gbara yayu si lo zia gere ti sese. Lakue tere ti ala ayeke do na mbeto na dawa ti ngonzo ti zo ti sarango ngangu na azo, mo baa mo tene, lo lingbi ti fâ ala. Fadeso, ngonzo ti zo ti sarango ngangu na azo ni ayeke na ndo wa?

Jérémie 31:33

So tënë ti yanga ti KOTA GBIA laa: Na peko ti alango ni so, mbuki so mbi na azo ti Israel e yeke sara ni ayeke so: mbi yeke su andia ti mbi taa na ya ti be ti ala, mbi yeke su ni na ndö ti be ti ala; mbi yeke duti Nzapa ti ala si ala yeke duti azo ti mbi.

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Awayango-sandaga 19:8

Zo so ate nyama ni, andaa lo sara si ye so a zia nde ndali ti mbi aga sioni; ngbanga ni ayeke ti na li ti lo. A yeke tumba lo na ya ti bongbi ti azo ti Israel.

Matthieu 22:39

Use ndia so ayeke nga kota ayeke so: ‘Mo ye mba ti mo zo tongana ti so mo ye tere ti mo wani.’

Jean 14:26

Wagbungo-koko ayeke Yingo-Vuru so Babâ ayeke tokua lo na iri ti mbi. Lo laa lo yeke fa ande na ala nda ti aye kue, lo yeke dabe ti ala na tënë so kue mbi tene na ala.

Awatokua 4:32

Azo so ama na be gbani gbani so, tënë ti be ti ala ayeke gi oko, ye so ala ye ayeke nga gi oko. Zo oko atene pepe, atene: “Ye ti mbi ayeke gi ti mbi!” Me ye so kue ala yeke na ni, ala yeke bongbi ni si aga ye ti ala kue.

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

2 Korente 9:1

Tongana ayeke tënë ti mungo maboko na azo ti Nzapa so ayeke na Judée, so ayeke mbeni ye titene mbi tokua mbeti na ala ngbanga ni pepe.

Filipe 3:15

E so kue e ga akangba na lege ti aye ti Yingo, ayeke nzoni tënë ti be ti e kue aga gi oko. Tongana mbeni tënë ayeke daa si tënë ti be ti ala ague nde, fade Nzapa ayeke zi le ti ala na ndö ni.

1 Tesalonike 5:1

A-ita, tongana ayeke tënë ti ngoi wala lango so ye ni ayeke si ande na ni, so ayeke mbeni ye titene zo akiri asu mbeti na ala ndali ni pepe.

Ahebro 10:16

*Kota Gbia atene: “Mbuki so mbi na ala e yeke sara ni na peko ti alango ni so ayeke so: mbi yeke mu andia ti mbi na ala, mbi yeke su ni na ndö ti be ti ala si mbi yeke su ni na ya ti li ti ala.”

Ahebro 13:1

Ala ngba lakue ti ye tere na popo ti ala tongana a-ita, azo ti Christ.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.

2 Pierre 1:7

na ndö ti gbungo tënë ti Nzapa ngangu, ala zia yengo amba ti ala; na ndö ti yengo amba ti ala, ala zia ndoye.

1 Jean 2:10

Zo so aye ita ti lo, andaa lo ngba na ya ti lumiere; na be ti lo, mbeni ye ti sara si lo ti ayeke daa pepe.

1 Jean 3:11

Tënë so ala ma, ngbene ye na tongo nda ni ayeke so: alingbi e ye tere na popo ti e.

1 Jean 3:23

Ndia ti lo ayeke so: e ma na be na iri ti Molenge ti lo Jésus Christ si e ye nga tere na popo ti e alingbi na yanga so Christ amu na e.

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.