1 Tesalonike 3:9 - Mbeti ti Nzapa - Tënë so amu fini

⁹ Singila ti nyen laa e yeke mu ande na Nzapa ti e ndali ti ala alingbi na kota ngia so ala zia na be ti e na le ti lo so?

1 Tesalonike 3:9 ပူးပေါင်းရင်းမြစ်များ

2 Samuel 6:21

David akiri tënë na Mikal: “Na dawa ti KOTA GBIA laa mbi sara ye tongaso. Lo soro mbi si lo ye mbi ahon babâ ti mo na asewa ti mo kue; lo zia mbi kota zo na ndö ti azo ti Israel, azo ti lo. Na dawa ti KOTA GBIA laa mbi yeke ngba ti sara ngia.

2 Mbai 31:8

Ezekias na amakonzi aga ti baa aye so a bongbi ni na gba ni, na gba ni so; ala mu singila na KOTA GBIA, ala gonda nga azo ti Israel.

Néhémie 9:5

Na pekoni, azo ti mara ti Lévi Yeshua, Kadmiel, Bani, Hashabeneya, Sherebia, Hodia, Shebania na Petahia atene na azo ni, atene: “Ala londo! Ala mu singila na KOTA GBIA Nzapa ti ala lakue lakue, kpu na kpu!” “*KOTA GBIA, ayeke nzoni zo oko oko amu singila na mo, ngbanga ti so iri ti mo alingbi na gonda! Iri ti mo ayeke kota ahon tënë so kue zo alingbi ti tene ti mu singila na mo nga ti sepela mo!

Abia (Psaumes) 116:12

Nyen laa mbi yeke sara ande na KOTA GBIA na peko ti anzoni ye so kue lo sara na mbi so?

Abia (Psaumes) 68:3

Tongana ti so guru ti wâ ayeke hon, mo yeke sara si ala hon legeoko tongaso. Tongana ti so puru ti wotoro ayeke ga ngu na le ti wâ, azo ti sioni ayeke kui na le ti Nzapa legeoko tongaso.

2 Korente 2:14

E mu singila na Nzapa, ngbanga ti so na lege ti gango so e ga oko na Christ, lo yeke zia e lakue na ya ti molongo ti azo so atambula na peko ti Christ so aso benda awe. Tongaso, Nzapa ayeke sara titene azo ahinga Christ na ndo kue ndali ti e; ye ni ayeke tongana fion ti yombo so amu ndo kue.

2 Korente 9:15

E mu singila na Nzapa ndali ti nzoni ye so lo mu na e, mbeni ye ti lingbi na ni ayeke daa pepe!

Ndia ti fani use ni 12:18

Fade ala yeke te aye ni so gi na dawa ti KOTA GBIA Nzapa ti ala, na ndo so lo yeke soro ni ande. Ala, na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so ayeke duti na ya ti agbata ti ala ayeke te ni. Kâ, na dawa ti KOTA GBIA Nzapa ti ala, fade be ti ala ayeke si singo na ngia ndali ti anzoni ye so ala wara na lege ti akua so kue ala sara.

Ndia ti fani use ni 12:2

Amara nde so ala yeke gue ti mu sese ti ala aleke ambeni ndo na li ti ahoto, na li ti akete hoto nga na gbe ti afini keke so kue kugbe ni ayeke gbani ti voro anzapa ti ala daa. Alingbi ala, azo ti Israel, ala buba ando ni so kue kue kue.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

1 Tesalonike 2:19

Biani, na lango ti gango ti *Kota Gbia Jésus, nyen laa e yeke zia be ti e ti ku, nyen laa ayeke ngia ti e, nyen laa ayeke fa atene, e so benda awe? Gi ala pepe?