1 Tesalonike 3:1 - Mbeti ti Nzapa - Tënë so amu fini

¹ Na ndani, e lingbi ti kanga be ti e ti ku ngbii pepe. Tongaso, e leke na be ti e ti ngba gi e oko na Athènes.

1 Tesalonike 3:1 ပူးပေါင်းရင်းမြစ်များ

Jérémie 20:9

Tongana mbi tene: “Awe! Mbi yeke kiri ti di iri ti lo na yanga ti mbi pepe, mbi yeke kiri ti fa tënë na iri ti lo pepe”; na ya ti be ti mbi kâ, tënë ni ayeke gbi tongana wâ. Mbi yeke sara ngangu ti mingo ni, me mbi ha gbaa.

Jérémie 44:22

KOTA GBIA akanga be ti lo gbaa na asioni sarango ye ti ala nga na asioni sarango ye ti ala so zo alingbi ti baa na le ti lo fani use pepe so. Ndani laa kodro ti ala aga ndo ti gba ti atêne, aga ngonda si zo ayeke daa mbeni pepe, aga tapande ndali ti azo so ayeke deba amba ti ala; ye ni laa a yeke baa ni laso so.

Awatokua 17:15

Azo so azia Paul na lege ague na lo ngbii asi na Athènes. So ala londo ti kiri na Bere, Paul amu yanga na ala ti tene na Silas na Timothée ti gue hio ti wara ti lo.

Awatokua 17:16

So Paul ayeke ku Silas na Timothée na Athènes, be ti lo aso songo na bango gbata so ayanda nde nde asi singo daa.

2 Korente 2:13

be ti mbi angba gi na nduzu, ngbanga ti so mbi baa ita ti mbi Tite pepe. Ndani laa mbi bara azo ni si mbi hon, mbi gue na sese ti Masedoane.

1 Tesalonike 2:17

A-ita, e na ala, e kangbi gi na ya ti mbeni kete ngoi: ataa so e yeke na tere ti ala kâ pepe, be ti e ayeke na ndö ti ala! E yeke na nzara mingi ti kiri ti baa ala, nilaa e sara kue ti kiri ti si na ala kâ.

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?