1 Tesalonike 2:9 - Mbeti ti Nzapa - Tënë so amu fini

⁹ A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

1 Tesalonike 2:9 ပူးပေါင်းရင်းမြစ်များ

2 Agbia 6:2

Zia lege na e titene e gue na yanga ti ngu ti Jourdain, zo oko oko ade keke si e ga, e leke na mbeni gbefa titene e duti na gbe ni.” Élisée akiri tënë: “Ala gue ma!”

Néhémie 5:15

Agovoronere so ayeke lani kozoni na mbi ayeke zia anengo kungba na ndö ti azo. Ala yeke hunda gi kobe na vin na maboko ti azo ni pepe, me ala yeke hunda nga titene azo ni azia ale ti nginza baleosio na ndö ni. Ataa azo ti kua ti agovoronere ni asara ngangu mingi na azo ni. Me mbi, mbi sara tongaso pepe, ngbanga ti so mbi kpe mbeto ti Nzapa.

Néhémie 5:18

Lâ oko oko, a yeke fâ bagara oko, ataba omene ti nzoni ni na akondo. Lakue na peko ti lango baleoko, azo ayeke ga na mbi gba ti vin. Aye so kue, mbi vo ni na nginza ti mbi wani. Ataa so kue, mbi hunda nginza ti lapo ti govoronere pepe, ngbanga ti so kua ti gbagba ane na ndö ti azo awe.

Abia (Psaumes) 32:4

Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

Abia (Psaumes) 88:1

Bia ti azo ti Kore; bia so ayeke ndali ti makonzi-bia. A he ni na ngoli. Bia ti Heman, zo ti mara ti Ezrahi. Bia ti fango ye na zo.

Amato 31:18

Lo baa so dengo buze ti lo ayeke gue gi na nduzu; na bi kue, lamba ti lo ayeke mingo pepe.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Awatokua 18:3

si lo ngba na ndo ti ala, ngbanga ti so kua ti lo na kua ti ala ayeke legeoko: ala yeke azo ti sarango ada ti bongo.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 15:16

si lo mu mbi ti ga zo ti kua ti Jésus Christ na popo ti azo ti amara nde. Lo zia mbi nde ti fa Nzoni Tënë ti Nzapa. Tongaso, azo ti amara nde alingbi ti ga nzoni *sandaga na le ti Nzapa na lege ti Yingo-Vuru, lo so lo sara si ala ga nzoni kue.

Rome 15:19

na lege ti aye ti kpene nga na lege ti aye ti dongo be so Yingo-Vuru asara. Tongaso, ti londo na Jérusalem ngbii asi na sese ti Ilirii, mbi tambula ti fa Nzoni Tënë kue ti Christ na azo.

1 Korente 4:12

E yeke wara kobe ti yanga ti e na gbiki ti li ti e. Azo ayeke zonga e, me e yeke sara tufa na ndö ti ala; azo ayeke sara ngangu na e, me e yeke kanga be ti e;

1 Korente 9:15

Ataa so mbi lingbi fade ti hunda ye na maboko ti ala, mbi sara ni pepe, mbi yeke su nga mbeti so na ala ti hunda ye pepe. Titene mbi kui, ayeke fade nzoni ahon titene mbi hunda ye na ala. Nda ni so mbi yeke pika kate ti mbi laa, mbeni zo alingbi ti zi ni pepe!

1 Korente 9:18

Tongaso, futa ti mbi ayeke nyen? Futa ti mbi ayeke ti fa Nzoni Tënë na azo gi senge senge. Ataa so Nzoni Tënë amu na mbi lege fade ti hunda ye na maboko ti ala, mbi sara so pepe.

1 Korente 9:4

E lingbi fade ti te ye wala ti nyon ye tongana futa ti kua ti e pepe?

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

2 Korente 11:9

Na ngoi so mbi yeke lani na popo ti ala kâ, tongana mbeni ye atia mbi, mbi te ye ti mbeni zo senge senge pepe. A-ita so alondo na Masedoane si aga, ala mu na mbi aye so kue alingbi na mbi. Na ya ti aye kue, mbi bata tere ti mbi titene mbi ga tongana kungba na ndö ti zo oko pepe, mbi yeke ngba ti bata tere ti mbi lakue tongaso.

2 Korente 6:5

azo apika e, ala bi e na da ti kanga, ala tomboka na tere ti e, e woko na peko ti sarango kua, e lango pepe, e duti na nzara.

Filipe 4:16

So mbi yeke na Tesalonike, ala laa atokua na mbi ye so atia mbi; ala sara ni gi fani oko pepe.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

1 Tesalonike 2:2

Ala hinga nga atene, kozoni na gbata ti Filipe, azo azonga e si e baa pasi. Me na ya ti aye ti ngangu mingi, Nzapa amu ngangu na be ti e ti fa Nzoni Tënë ti lo na ala, azo ti Tesalonike.

1 Tesalonike 2:6

E gi lege pepe titene azo agonda e, ataa na popo ti ala, ataa na popo ti ambeni zo nde.

1 Tesalonike 3:10

Bi na lâ, e yeke hunda mingi na Nzapa titene lo sara si e kiri e baa le ti ala si na lege ti e, ala yeke wara aye so atia mabe ti ala.

1 Timothée 1:11

Tënë so alingbi na Nzoni Tënë so Nzapa azia na maboko ti mbi; tënë ni ayeke tënë ti Nzapa, lo so alingbi na gonda si azo ayeke tene nzoni tënë ti lo.

1 Timothée 4:10

Biani, pasi so e yeke baa wala bira so e yeke tiri ayeke ndali ti so e zia be ti e ti ku Nzapa so ayeke na fini. Lo yeke Wasongo azo kue, mbirimbiri azo so ama na be.

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

2 Timothée 1:3

Mbi mu singila mingi na Nzapa so mbi yeke sara na lo na vuru be tongana ti so akotara ti mbi asara ando. Bi na lâ, mbi yeke zia mo lakue na ya ti asambela ti mbi.