1 Tesalonike 2:8 - Mbeti ti Nzapa - Tënë so amu fini

⁸ Ndali ti yengo so e ye ala, e ye lani ti fa na ala gi Nzoni Tënë pepe, me e ye nga ti ka tere ti e na kuâ ndali ti ala, ngbanga ti so tënë ti ala agbu be ti e mingi!

1 Tesalonike 2:8 ပူးပေါင်းရင်းမြစ်များ

Nzoni Tënë so Luc asu na mbeti 7:2

Mbeni kapita ti aturugu ti Rome ayeke na zo ti kua so lo ye lo mingi. Zo ti kua ni ayeke na kobela si lo ga nduru ti kui.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 10:1

A-ita, tënë so agbu be ti mbi si mbi yeke sambela Nzapa ndali ti azuife, ayeke titene ala soo kuâ.

Rome 15:29

Mbi hinga so na singo ti mbi na ala kâ, fade Christ ayeke sara tufa gbani gbani na ndö ti ala na lege ti mbi.

2 Korente 12:15

Ti mbi, fade mbi yeke buba aye ti mbi kue si mbi yeke ka fini ti mbi ndali ti ala. Tongana mbi ye ala ahon ndoni, fade ala yeke ye mbi gi kete?

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Galasii 4:19

Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.

Filipe 1:8

Na le ti Nzapa, mbi ye ala kue na be ti mbi oko tongana ti so Jésus Christ aye na ala.

Filipe 2:17

Mabe ti ala asara si ala yeke mu *sandaga na Nzapa. Mbi hinga pepe, tongana a fâ mbi si mene ti mbi atuku, fade ayeke ga tongana sandaga na ndö ti so ala yeke mu. Tongana ye ni ayeke tongaso, be ti mbi ayeke nzere si mbi na ala kue, e yeke na ngia.

Filipe 2:20

Gi lo oko laa tënë ti be ti lo ayeke tongana ti ti mbi si tënë ti ala agbu be ti lo mingi.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 1:7

Epafras, mba ti e zo ti kua so e ye lo mingi afa tënë so na ala; lo yeke nga taa zo ti kua ti Christ ndali ti ala.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

Philémon 1:1

Mbi Paul, so mbi yeke na da ti kanga ndali ti Jésus Christ, mbi na ita ti e Timothée laa e tokua mbeti so na mo Philémon, mba ti e, zo ti kua so e ye mo mingi.

Ahebro 13:17

Ala ma yanga ti azo ti li ti Eglize, ala sara ye so azo ni ahunda na ala. Azo ni ayeke baa ndo na ndö ti ala, ngbanga ti so fade Nzapa ayeke hunda ala ndali ni. Tongana ala yeke ma yanga ti azo ti li ti Eglize, fade azo ni ayeke sara kua ti Nzapa na nzerengo be si ala dema tere ti ala pepe. Me tongana azo ni adema tere, fade ala a-ita, ala yeke baa nzoni pepe.

1 Jean 3:16

Ndoye ayeke nyen? Ye so e yeke hinga ndoye na ni ayeke so: Jésus Christ aka fini ti lo ndali ti e. Tongaso e nga, alingbi e ka fini ti e ndali ti a-ita ti e.