1 Tesalonike 2:1 - Mbeti ti Nzapa - Tënë so amu fini

¹ A-ita, ala wani ahinga atene, guengo ti e lani na ndo ti ala ayeke senge pepe.

1 Tesalonike 2:1 ပူးပေါင်းရင်းမြစ်များ

Mbeti ti Job 39:16

Lo yeke sara ngangu mingi na amolenge ti lo mo baa mo tene, amolenge ti lo laa pepe. Be ti lo agi lo pepe na pasi so lo baa na dungo para senge senge.

Abia (Psaumes) 127:1

A yeke he bia so na ndembe ti guengo ni na Jérusalem. Bia ti Salomon. Tongana *KOTA GBIA asara da pepe, azo ti sarango da ni ayeke baa pasi senge senge. Tongana KOTA GBIA abata gbata pepe, zo ti batango gbata ni ayeke sara sanziri senge senge.

Abia (Psaumes) 73:13

Biani, mbi bata be ti mbi na vurungo ni senge senge, mbi sukula maboko ti mbi ti fa so tënë ayeke na li ti mbi pepe, mbi sara nga ni senge senge.

Ésaïe 49:4

Ti mbi, mbi tene fade, mbi tene: “Mbi baa pasi na sarango kua senge senge, mbi hunzi ngangu ti mbi kue senge senge, ye ti peko ni oko ayeke daa pepe.” Andaa *KOTA GBIA laa ayeke baa lege ti nzoni fango ngbanga ti mbi, futa ti mbi ayeke na maboko ti Nzapa ti mbi.

Ésaïe 65:23

Ala yeke kiri ti baa pasi senge senge pepe, ala yeke kiri ti du amolenge pepe titene amolenge ni akui kuingo. Biani, ala yeke asewa so KOTA GBIA asara tufa na ndö ti ala, ala na amolenge ti ala.

Habakuk 2:13

Ndani laa, kua so amara asara ayeke hunzi na le ti wâ, azo ayeke baa pasi na kua senge senge. Aye so kue alondo na KOTA GBIA pepe? Lo so lo yeke na ndö ti dunia kue so.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 15:2

Tongana ala bata Nzoni Tënë ni tongana ti so mbi fa na ala, fade ala yeke soo kuâ gi na lege ni. Tongana ala bata ni na legeni pepe, andaa mabe ti ala ayeke senge senge.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Galasii 2:2

Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

Galasii 4:11

Mbeto ti ye so ala yeke sara so agbu mbi; so ti tene aye so kue mbi sara ngbanga ti ala so, peko ni ayeke ngba gi senge senge?

Filipe 2:16

Ala laa ayeke fa tënë so ayeke mu fini na zo. Tongaso, na lango ti kiringo ti Christ, fade tere ti mbi ayeke nzere ndali ti ala, ngbanga ti so akua ti mbi na pasi ti mbi, peko ni ayeke senge pepe!

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

2 Tesalonike 3:1

Ti hunzi na ni, a-ita, ala sambela ndali ti e si tënë ti *Kota Gbia angba ti hon na ndo kue si azo agonda tënë ni tongana ti so azo ayeke gonda ni na ndo ti ala, a-ita.