1 Samuel 9:9 - Mbeti ti Nzapa - Tënë so amu fini

⁹ Ando na kodro ti Israel, tongana azo aye ti gue ti hunda mbeni ye na Nzapa, ala yeke tene: “Ala ga, e gue, e baa zo ti bango nda ti aye.” Biani, zo so azo ayeke iri lo fadeso wayanga-Nzapa, ando ala yeke iri lo “zo ti bango nda ti aye.”

1 Samuel 9:9 ပူးပေါင်းရင်းမြစ်များ

Tongo nda ti aye 25:22

Lo yeke ku ti du angbo; amolenge ni ayeke pika tere ti ala na ya ti mama ni si lo hunda tere ti lo, lo tene: “Nyen laa asi na mbi tongaso?” Na pekoni, lo gue, lo hunda KOTA GBIA na nda ti tënë ni.

2 Samuel 24:11

Na ndaperere, so David alondo, andaa tënë ti KOTA GBIA asi na wayanga-Nzapa Gad awe, zo ti bango nda ti aye na David; tënë ni atene:

2 Agbia 17:13

KOTA GBIA agboto mê ti azo ti Israel na azo ti Juda na lege ti awayanga-Nzapa kue nga na lege ti azo so ayeke baa nda ti aye, atene: “Ala zia sioni lege ti sarango ye ti ala, ala sara ye alingbi na tënë ti ndia ti mbi, ambela ti mbi nga na akpengba tënë ti mbi. Ala sara ye alingbi na *Ndia so mbi mu ando na akotara ti ala si mbi mu ni na ala na lege ti azo ti kua ti mbi, awayanga-Nzapa.”

1 Mbai 21:9

KOTA GBIA atene na Gad, zo ti bango nda ti aye na David, atene:

1 Mbai 26:28

Aye so kue wayanga-Nzapa Samuel, Saul, molenge ti Kish, Abner, molenge ti Ner, Yoab, so iri ti mama ti lo ayeke Seruya, azia nde ndali ti Nzapa; Shelomit na a-ita ti lo laa ayeke baa ndo na ndö ni.

1 Mbai 29:29

Atënë na ndö ti gbia David, na tongo nda ni ngbii asi na ndani, a su na ya ti abuku ti ambai ti awayanga-Nzapa Samuel, Natan na Gad.

1 Mbai 9:22

Wungo ti ala so kue a soro ala titene ala ga azo ti batango ayanga ti gbagba ayeke 212. A su iri ti ala na mbeti na ya ti akete kodro ti ala. David na wayanga-Nzapa Samuel laa azia akotara ti ala na kua ni so.

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 16:7

Na ngoi ni so, Hanani, zo ti bango nda ti aye aga awara Asa, gbia ti Juda si lo tene na lo: “Mo zia be ti mo na *KOTA GBIA, Nzapa ti mo pepe; me mo zia be ti mo na gbia ti Sirii. Ndani laa aturugu ti gbia ti Sirii akpe na maboko ti mo.

Ésaïe 29:10

Biani, *KOTA GBIA asara si yingo ti kota lango aga na ndö ti ala. Lo kanga le ti awayanga-Nzapa ti ala, lo bi bongo na le ti azo ti bango nda ti aye ti ala.

Ésaïe 30:10

Ala tene na azo ti bango nda ti aye, atene: “Ala baa ye pepe!” Ala tene na awayanga-Nzapa: “Ala tene na e taa-tënë pepe, me gi anzerengo tënë; ala tene na e gi ye so anzere na be ti e, ataa ye ni ayeke mvene.

Amos 7:12

Na pekoni, Amasia atene na Amos: “Mo zo ti bango aye so, londo mo hon! Kpe, mo gue na sese ti Juda; kâ, mo lingbi ti tene peko ti tënë ti yanga ti Nzapa si mo wara na kobe ti yanga ti mo!

1 Korente 12:17

Tongana tere kue ayeke fade gi le, ka zo ayeke ma ndo na nyen? Tongana tere kue ayeke fade gi mê, ka zo ayeke ma fion ti ye na nyen?

Awafango-ngbanga 1:1

Na peko ti kuâ ti Josué, azo ti Israel ahunda *KOTA GBIA, atene: “Mara wa laa na popo ti e ayeke gue kozo ti sara bira na azo ti Kanaan?”

Awafango-ngbanga 18:5

Ala tene na lo: “Hunda Nzapa titene e hinga, wala tambula so e yeke gue so ayeke ga nzoni.”

1 Samuel 9:10

Saul atene na zo ti kua ti lo: “So nzoni! E gue.” Tongaso ala mu lege ague na gbata so zo ti Nzapa ayeke lango daa.