1 Samuel 9:7 - Mbeti ti Nzapa - Tënë so amu fini

⁷ Saul atene na zo ti kua ti lo ni: “Tongana e gue na ndo ti zo ti Nzapa so, nyen laa e yeke mu ande na lo, nyen? Mbeni mapa oko angba na ya ti bozo ti e pepe; e yeke nga na mbeni kadoo ti mu na lo pepe. Nyen laa e yeke na ni, nyen?”

1 Samuel 9:7 ပူးပေါင်းရင်းမြစ်များ

1 Agbia 13:7

Gbia atene na zo ti Nzapa so, atene: “Ga na da ti mbi, mo duti mo wu tere ti mo si. Fade mbi yeke mu na mo mbeni matabisi.”

1 Agbia 14:3

Na guengo ti mo, mo mu mapa baleoko, ambeni gatoo nga na mbeni ta ti mafuta ti wotoro. Fade lo yeke fa na mo ye so ayeke si na molenge ti e.”

2 Agbia 4:42

Mbeni koli alondo na Baal-Shalisha aga. Lo ga na zo ti Nzapa mapa so a sara na akozo le ti kobe: mapa baleuse so a sara na *orze; lo ga nga na fini le ti *ble na ya ti sake oko, ble so lo fâ ni aninga pepe. Élisée atene na zo ti kua ti lo, atene: “Kangbi ni na azo, ala te!”

2 Agbia 5:15

Lo kiri na tere ti Élisée, lo na azo so kue amu peko ti lo. Lo ga lo luti na dawa ti Élisée si lo tene: “Fadeso mbi hinga, mbi tene, na ndö ti sese kue, taa Nzapa ayeke daa pepe, gi na sese ti Israel oko. Mbi gbu gere ti mo titene mo mu na maboko ti mbi, zo ti kua ti mo, kadoo so mbi yeke mu na mo.”

2 Agbia 5:5

Gbia ti Sirii atene: “Londo, mo gue! Fade mbi yeke tokua mbeti na gbia ti Israel.” Naaman alondo, lo mu wen ti nginza so nengo ni ayeke kilo ngbangbo ota, lôro so nengo ni ayeke kilo baleomene na fini bongo baleoko si lo gue na ni.

2 Agbia 8:8

Gbia atene na Hazael: “Mu mbeni matabisi, mo gue, mo baa zo ti Nzapa. Na pekoni, fade mo hunda *KOTA GBIA na lege ti lo, mo tene: ‘Mbi yeke ngba na fini na kobela so laa?’ ”

2 Agbia 8:9

Hazael ague, awara Élisée. Lo mu anzoni ye nde nde so ayeke na Damas, lo kanga na ndö ti *azambala baleosio si lo gue ti mu ni na Élisée. Lo si na dawa ti Élisée si lo tene na lo: “Molenge ti mo Ben-Hadad, gbia ti Sirii atokua mbi ti hunda mo, atene: ‘Mbi yeke ngba na fini na kobela so laa?’ ”

Ezekiel 13:19

Ala bi buba na tere ti mbi na le ti azo ti mbi ndali ti kete le ti *orze nga ndali ti nduru mapa. Ala yeke tene mvene na azo ti mbi so ayeda ti ma atënë ti mvene ti ala, awali ni. Tongaso ala yeke fâ azo so alingbi na kuâ pepe si ala yeke bata azo so alingbi na kuâ.

Awafango-ngbanga 6:18

Mbi gbu gere ti mo, ayeke nzoni mo hon pepe; mo ku, mbi ga na *sandaga ti mbi, mbi ya ni na mo si.” KOTA GBIA akiri tënë: “Mbi yeke ku mo ngbii mo ga si.”