1 Samuel 9:3 - Mbeti ti Nzapa - Tënë so amu fini

³ Mbeni lâ, amama ti lele ti Kish, babâ ti Saul agirisa. Kish atene na molenge ti lo Saul, atene: “Mo mu mbeni zo ti kua oko na tere ti mo, mo gue, mo gi amama ti lele so agirisa so.”

1 Samuel 9:3 ပူးပေါင်းရင်းမြစ်များ

Awafango-ngbanga 10:4

Lo yeke na amolenge-koli baleota so ala kue ayeke tambula na ndö ti alele baleota. Ala yeke awa ti kodro baleota na sese ti Galaad. Azo adi iri ti akodro so Akete kodro ti Yair ngbii asi laso.

Awafango-ngbanga 5:10

Ala so ayeke ko na ndö ti avuru mama ti lele, ala so ayeke duti na ndö ti atapi nga na ala so ayeke tambula na ndö ti alege, ala gbu li ti ala si!

1 Samuel 10:14

Ita ti babâ ti lo ahunda lo nga na zo ti kua ti lo, atene: “Ala gue fade na ndo wa?” Saul akiri tënë: “E gue fade ti gi amama ti lele, me e wara ala pepe; na pekoni, e gue na ndo ti Samuel.”

1 Samuel 10:2

So mo yeke zia mbi laso ti hon so, fade mo yeke wara akoli use. Ala yeke nduru na tere ti du ti kuâ ti Rachel so ayeke na sese ti azo ti mara ti Benjamin na ti kodro ti Selsa. Akoli ni ayeke tene na mo: ‘Amama ti lele so mo gue ti gi ala so, a wara ala awe. Fadeso be ti babâ ti mo agirisa na tënë ti amama ti lele ni awe; me lo yeke gi be ti lo ndali ti ala, lo yeke hunda tere ti lo, lo tene: Fade mbi yeke sara tongana nyen ti wara molenge ti mbi?’

1 Samuel 9:2

lo yeke na molenge-koli so iri ti lo Saul; lo yeke mbeni maseka-koli so lo yeke pendere mingi. Na popo ti azo ti Israel, mbeni zo so apendere ti lingbi na lo ayeke daa pepe. Lo yo lo hon azo ti Israel kue.

1 Samuel 9:20

Ti amama ti lele ti mo so agirisa asara lango ota awe so, mo kiri mo gi be ti mo ndali ti ala pepe, a wara ala awe. Anzoni ye so ayeke na Israel so ayeke ti zo wa? Ayeke ti mo wala ti asewa ti babâ ti mo pepe?”

1 Samuel 9:4

Saul na zo ti kua ni ahon na sese ti Efraim, ndo so ahoto ayeke daa; ala hon na ya ti sese ti Shalisha, ala wara anyama ni pepe. Ala hon na ya ti sese ti Shaalim, ye oko ala wara pepe. Ala hon na ya ti sese ti Benjamin, ala gi ndo gbaa.