1 Samuel 9:25 - Mbeti ti Nzapa - Tënë so amu fini

²⁵ Na pekoni, ala londo na ndö ti hoto si ala kiri na kodro. Samuel na Saul asara lisoro na li ti da, na ndo so a leke titene azo aduti daa.

1 Samuel 9:25 ပူးပေါင်းရင်းမြစ်များ

2 Samuel 11:2

Mbeni lâ, na lakui, David alondo na ndö ti gbogbo ti lo, lo yeke fono na mbeni ndo so a leke na li ti da ti lo si azo ayeke duti daa. Kâ, lo baa mbeni wali so ayeke sukula ngu; wali ni apendere mingi.

Néhémie 8:16

Tongaso azo ti Israel ague, afâ amaboko ti keke ti sara na akpangba. Ambeni asara ti ala kpangba ni na li ti ada ti ala, ambeni na ya ti gbagba ti ala wani, ambeni na ya ti gbagba ti kota da ti Nzapa, ambeni na kota ndo so ayeke na yanga ti gbagba so iri ni Ti-ngu si ambeni na kota ndo so ayeke na yanga ti gbagba so iri ni Ti-Efraim.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Matthieu 10:27

Tënë so mbi yeke tene na ala na ya ti vukongo ndo, ala tene tënë ni na kota lâ; tënë so a tene gi na ya ti mê ti ala, ala dekongo na ni na ndö ti da.

Matthieu 24:17

zo so ayeke duti na li ti da ti lo, alingbi lo zu na sese pepe ti mu ye so ayeke na ya ti da ni;

Nzoni Tënë so Luc asu na mbeti 5:19

Me ala gi lege ti li na lo gbaa, ngbanga ti so azo ayeke gbani gbani. Ala gue na lo na li ti da ni, ala zi mbage ti li ni si ala yoro lo na kelekpa ti lo kue na popo ti azo ni, ala zia lo na dawa ti Jésus.

Awatokua 10:9

Lango oko na pekoni, ala yeke na lege ti gue si ala ga nduru ti si na Zope. Nduru na bekombite, Pierre ague na li ti da ti sambela.

Ndia ti fani use ni 22:8

Tongana mo sara fini da, alingbi mo leke kete gbagba angoro li ti da ni na nduzu. Tongaso, fade tënë ayeke ga na li ti mo pepe, tongana mbeni zo alondo na li ti da ni ati akui.

1 Samuel 9:26

Na ndade ni na kota ndaperere, Saul na zo ti kua ti lo azingo. So ndo ahan awe, Samuel airi Saul na li ti da, lo tene na lo: “Saul, londo mbi gue, mbi zia peko ti mo na lege.” Saul alondo si lo na Samuel kue ahon.