1 Samuel 9:23 - Mbeti ti Nzapa - Tënë so amu fini

²³ Samuel atene na zo ti tongo kobe ni: “Nyama so mbi tene na mo ti zia nde so, ga na ni.”

1 Samuel 9:23 ပူးပေါင်းရင်းမြစ်များ

Tongo nda ti aye 43:34

Joseph amu mbeni mbage ti kobe so ayeke na ndö ti meza ti lo si lo yeke tokua ni na ala. Kobe ti Benjamin ahon ti atanga ni kue fani oku. Ala na Joseph anyon samba ngbii tere ti ala kue anzere.

1 Samuel 1:5

Me kasa ti nyama so lo yeke mu na Anne akono fani use ahon ti Penina na amolenge ti lo, ngbanga ti so lo ye Anne mingi, ataa so KOTA GBIA akanga ya ti lo si lo du molenge pepe.

1 Samuel 9:22

Samuel amu Saul nga na zo ti kua ti lo, ala li na ya ti da si lo mu na ala kozo ndo na dawa ti azo so a tisa ala. Wungo ti azo so kue atisa ala ayeke nduru na baleota.

1 Samuel 9:24

Zo ti tongo kobe ni aga na ngbongboro gere ti nyama nga na damba ni, lo zia na gbe ti Saul. Samuel atene: “Tanga ti kobe ni laa. Na lango so mbi tisa azo so, mbi bata ni ndali ti mo, mu ni mo te.” Na lango ni so, Saul na Samuel ate kobe.