1 Samuel 9:21 - Mbeti ti Nzapa - Tënë so amu fini

²¹ Saul akiri tënë: “So tënë ti nyen? Mbi yeke ti mbi zo ti mara Benjamin. Benjamin ayeke mbeni kete mara na popo ti amara ti Israel. Sewa ti mbi ayeke gi kete sewa na ya ti amara ti azo ti Benjamin. Mo tene mara ti tënë tongaso na mbi ngbanga ti nyen?”

1 Samuel 9:21 ပူးပေါင်းရင်းမြစ်များ

Abia (Psaumes) 68:27

Na ya ti abongbi, ala azo, ala mu singila na Nzapa, ala mu singila na KOTA GBIA, ala so abaa gigi na lege ti *ahale ti Israel.

Abia (Psaumes) 68:28

Kozoni, mara ti Benjamin, kete mara ahon atanga ni, ni laa ayeke na li ti ala; na pekoni ayeke amakonzi ti mara ti Juda, ala na gba ti azo ti ala, amakonzi ti Zabulon na ala ti Neftali.

Osée 13:1

Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Efeze 3:8

Na popo ti azo ti Nzapa kue, mbi laa mbi yeke kete zo ahon atanga ni kue, me Nzapa amu na mbi lege ti fa Nzoni Tënë na azo ti amara nde, so ti tene gba ti anzoni ye ti Christ so zo agi li ti lo na nda ni gbaa.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.

1 Samuel 14:51

Kish ayeke babâ ti Saul si Ner ayeke babâ ti Abner; ala use kue ayeke amolenge ti Abiel.

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.

1 Samuel 18:18

David akiri tënë na Saul: “Mbi yeke ti mbi zo wa? Asewa ti mbi, na mara ti babâ ti mbi so ayeke na Israel ayeke nyen si mbi ga kogara ti gbia so?”

1 Samuel 18:23

Azo ti gbe ti Saul atene atënë so kue na David. David atene na ala: “Titene zo aga kogara ti gbia, ayeke ye ti ngia na le ti ala? Mbi, mbi yeke ti mbi wayere, mbi yeke senge zo.”

1 Samuel 9:22

Samuel amu Saul nga na zo ti kua ti lo, ala li na ya ti da si lo mu na ala kozo ndo na dawa ti azo so a tisa ala. Wungo ti azo so kue atisa ala ayeke nduru na baleota.