1 Samuel 9:16 - Mbeti ti Nzapa - Tënë so amu fini

¹⁶ “Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”

1 Samuel 9:16 ပူးပေါင်းရင်းမြစ်များ

2 Samuel 3:18

Fadeso, ala sara ye! Biani, *KOTA GBIA atene na ndö ti David, atene: ‘Na lege ti David, zo ti kua ti mbi laa mbi yeke zi azo ti Israel, azo ti mbi na maboko ti azo ti Filistii nga na maboko ti awato ti ala kue.’ ”

2 Agbia 20:5

“Kiri, mo tene na Ezekias, makonzi ti azo ti mbi, mo tene: Tënë so KOTA GBIA, Nzapa ti David, kotara ti mo atene ayeke so: ‘Mbi ma sambela ti mo awe, mbi baa ngu ti le ti mo awe. Baa, mbi yeke kai kobela ti mo. Na peko ti lango ota, mo yeke kiri ti gue na ya ti kota da ti KOTA GBIA.

Abia (Psaumes) 102:1

Sambela ti zo ti mawa so ye ahon ndö ti lo si lo yeke dema tere ti lo na KOTA GBIA.

Abia (Psaumes) 106:44

Me tongana KOTA GBIA ama toto ti ala si lo baa ye ti ngangu so asi na ala,

Abia (Psaumes) 25:18

Baa mawa ti mbi na pasi ti mbi; zi siokpari ti mbi kue na li ti mbi.

Amato 16:9

Zo ayeke leke na be ti lo ti mu mbeni lege, me KOTA GBIA laa ayeke mu ngangu na lo ti tambula daa.

Jérémie 32:8

“Tongana ti so KOTA GBIA atene lani na mbi, ita ti mbi Hanameel, molenge ti ita ti babâ ti mbi aga si awara mbi na ya ti gbagba ti aturugu ti batango gbia; lo tene na mbi: ‘Vo yaka ti mbi so ayeke na Anatot, na sese ti Benjamin. Biani, tënë ti vongo yaka ni titene aga ti mo abaa mo kozoni.’ “Tongaso mbi hinga, mbi tene, KOTA GBIA laa atene tënë na mbi so.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 14:20

Saul na aturugu ti lo abongbi tere si ala gue na ndo so bira ni ayeke daa. Ala baa so wusuwusu ahon ndoni si azo ti Filistii ayeke fâ tere na popo ti ala kirikiri.

1 Samuel 14:23

Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.

1 Samuel 15:1

Samuel atene na Saul: “Mbi laa *KOTA GBIA atokua mbi lani ti tuku mafuta na li ti mo titene mo ga gbia ti azo ti Israel, azo ti lo. Fadeso, ayeke nzoni mo ma tënë so KOTA GBIA atene.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:3

Na ndembe ti mungo sandaga ni, fade mo iri Yese. Mbi wani, mbi yeke fa na mo ye so mo lingbi ti sara. Zo so mbi yeke fa ande lo na mo, mo yeke tuku mafuta na li ti lo titene lo ga gbia.”