1 Samuel 9:13 - Mbeti ti Nzapa - Tënë so amu fini

¹³ Gi so ala yeke li na ya ti gbata ni, ala yeke wara lo kozoni si lo gue na ndö ti hoto ti te kobe. Zo oko alingbi ti te kobe pepe kozoni si lo ga, ngbanga ti so lo laa lo yeke sara tufa na ndö ti sandaga ni. Azo so a tisa ala so ayeke te ande ti ala kobe ni na peko. Ala gue hio fafadeso si ala wara lo.”

1 Samuel 9:13 ပူးပေါင်းရင်းမြစ်များ

2 Samuel 15:11

Azo ti Jérusalem ngbangbo use so Absalom atisa ala, ala na lo ague; ala gue na vuru be, ala hinga ti ala pepe nda ti ye so lo leke.

Matthieu 14:19

Na pekoni, lo mu yanga na azo ni titene ala kue aduti na ndö ti pere. Lo mu mapa oku na susu use so, lo yo le ti lo na nduzu, lo mu singila na Nzapa. Lo fâ ya ti mapa ni, lo mu na adisiple ti lo si ala kangbi ni na gba ti azo ni.

Matthieu 26:26

So ala yeke te kobe, Jésus amu mapa, lo mu singila na Nzapa; na pekoni lo fâ ya ni, lo mu na adisiple si lo tene: “Ala mu ni ate, so ayeke tere ti mbi.”

Marc 6:41

Jésus amu mapa oku na asusu use so, lo yo le ti lo na nduzu, lo mu singila na Nzapa. Na pekoni, lo fâ ya ti amapa ni, lo mu na adisiple ti lo ti kangbi ni na azo ni kue. Lo kangbi nga asusu use so na azo kue.

Nzoni Tënë so Luc asu na mbeti 24:30

So lo na ala aduti ti te kobe, lo mu mapa, lo mu singila na Nzapa; na pekoni, lo fâ ya ni si lo mu na ala.

Nzoni Tënë so Luc asu na mbeti 9:16

Jésus amu mapa oku na asusu use so, lo yo le ti lo na nduzu, lo mu singila na Nzapa, lo fâ ya ni, lo mu na adisiple ti lo ti kangbi ni na gba ti azo ni.

Jean 6:11

Tongaso Jésus amu amapa ni, lo mu singila na Nzapa si lo kangbi ni na azo so aduti. Lo kangbi nga asusu ni na ala, zo oko oko ate alingbi na nzara ti lo.

Jean 6:23

Me ambeni ngo nde alondo na gbata ti Tiberiade asi na ndo so *Kota Gbia amu mapa, lo mu singila na Nzapa si azo ate so.

1 Korente 10:30

Tongana mbi mu singila na Nzapa ndali ti kobe so mbi yeke te, ngbanga ti nyen azo ayeke kasa mbi ndali ti kobe so mbi mu singila ndali ni?

1 Timothée 4:4

Ye so kue Nzapa asara ayeke nzoni, mbeni ye oko ti kengo ni ayeke daa pepe, me alingbi zo amu singila na Nzapa ndali ti ye ni.

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 9:14

Ala gue ti li na ya ti gbata ni. Na ndembe so ala yeke li na ya ti gbata ni, andaa Samuel ayeke sigigi ti gue na ndö ti hoto si ala wara tere.