1 Samuel 8:8 - Mbeti ti Nzapa - Tënë so amu fini

⁸ Ti londo na lango so mbi sara si ala sigigi na sese ti Ezipte ngbii asi laso, ye so ala yeke sara na mbi laa. Ala zia mbi ti gue ti sara na ambeni nzapa nde. Gi oko ye so laa ala yeke sara na mo.

1 Samuel 8:8 ပူးပေါင်းရင်းမြစ်များ

Abia (Psaumes) 78:8

fade ala yeke sara ye tongana ti akotara ti ala pepe, akotara ti ala so ayeke ando azo ti ngangu li, azo ti kengo yanga, azo ti be use use, azo so abata yingo ti ala na Nzapa pepe.

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Sigingo 17:2

Azo ni agi yanga ti Moïse, atene: “Mu na e ngu, e nyon!” Moïse akiri tënë na ala: “Ala yeke gi yanga ti mbi ngbanga ti nyen? Ala yeke tara be ti KOTA GBIA ngbanga ti nyen?”

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Jérémie 34:14

‘Na peko ti ngu mbarambara, alingbi ala oko oko kue azi na gbe ti ngbaa ita ti ala hebro so aka tere ti lo na ala. Zo ni ayeke duti ngbaa ti mo na ya ti ngu omene, na pekoni, fade mo yeke zi lo yamba.’ Me akotara ti ala ni ama mbi pepe, ala dingi mê ti ala ti ma tënë ti mbi pepe.

Ezekiel 2:3

Lo tene na mbi, lo tene: “Molenge ti zo, mbi yeke tokua mo na azo ti Israel, azo ti ngangu li so atomboka na tere ti mbi so. Ala na akotara ti ala ake mbi ngbii asi laso.

Ndia ti fani use ni 9:24

Ngbene ye so mbi hinga ala, ala sara gi ngangu li na KOTA GBIA ngbii asi laso.

Awafango-ngbanga 13:1

Azo ti Israel akiri asara ye so ayeke sioni na le ti *KOTA GBIA; tongaso lo zia ala na maboko ti azo ti Filistii na ya ti ngu baleosio.

Awafango-ngbanga 2:20

Ngonzo ti *KOTA GBIA alondo tongana wâ na tere ti azo ti Israel si lo tene: “So azo ti mara ni abuba lege ti *mbuki so mbi na akotara ti ala e sara si ala ke ti ma yanga ti mbi so,

Awafango-ngbanga 4:1

Na peko ti kuâ ti Ehud, azo ti Israel akiri asara ye so ayeke sioni na le ti *KOTA GBIA.

Awafango-ngbanga 6:1

Azo ti Israel asara ye so ayeke sioni na le ti *KOTA GBIA; tongaso KOTA GBIA azia ala na maboko ti azo ti Madian na ya ti ngu mbarambara.

1 Samuel 8:7

KOTA GBIA atene na Samuel: “Atënë so kue azo ni ayeke tene, mo ma ni. Mo laa ala ke mo pepe, me mbi. Ala ye titene mbi kiri mbi le-gbia na ndö ti ala pepe.

1 Samuel 8:9

Tongaso, ma tënë ti ala. Me mo gboto mê ti ala nzoni; mo fa na ala lege so gbia ni ayeke le-gbia ande na ndö ti ala.”