1 Samuel 8:6 - Mbeti ti Nzapa - Tënë so amu fini

⁶ Tënë so ala tene so anzere na be ti Samuel oko pepe. Tongaso Samuel asambela *KOTA GBIA.

1 Samuel 8:6 ပူးပေါင်းရင်းမြစ်များ

Abia (Psaumes) 109:4

Ataa so mbi ye ala, ala yeke bi tënë na li ti mbi; me ti mbi, mbi ngba na ya ti sambela.

Sigingo 32:21

Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?”

Sigingo 32:32

Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.”

Osée 13:10

Tongaso, gbia ti mo ni ayeke na ndo wa titene lo soo mo na kuâ? Na ya ti agbata ti mo kue, azo ti li ni ayeke na ndo wa, ala so lani mo yeke tene tënë ti ala, mo tene: ‘Mu na mbi mbeni gbia na amakonzi’ so?

Wungo ti azo 16:15

Ngonzo agbu Moïse ngangu mingi si lo tene na KOTA GBIA: “Yeda na *sandaga ti ala pepe! Laoko mbi mu ye ti ala pepe, ataa mbeni lele ti ala. Mbi sara mbana na zo oko na popo ti ala pepe!”

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 12:12

Me so ala baa Nahash, gbia ti azo ti Amon aga ti tiri bira na ala, ala tene na mbi: ‘E ye mbeni gbia ti duti na li ti e!’ Andaa KOTA GBIA, Nzapa ti ala laa ayeke fade gbia ti ala.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”

1 Samuel 12:23

Ti mbi, fade mbi yeke sambela KOTA GBIA lakue ndali ti ala; mbi yeke ngba ti fa na ala nzoni lege nga na lege so ayeke mbirimbiri. Tongana mbi sara tongaso pepe, andaa mbi sara sioni mingi na KOTA GBIA.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.

1 Samuel 7:5

Samuel atene: “Ala bongbi azo ti Israel kue na Mispa. Fade mbi yeke sambela KOTA GBIA ndali ti ala.”