1 Samuel 8:5 - Mbeti ti Nzapa - Tënë so amu fini

⁵ Ala tene na lo: “Baa, mo ga mbakoro awe; me amolenge ti mo amu peko ti sarango ye ti mo pepe. Ayeke nzoni mo mu na e mbeni gbia titene lo fâ ngbanga ti e tongana ti amara kue.”

1 Samuel 8:5 ပူးပေါင်းရင်းမြစ်များ

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Awatokua 13:21

Na ndembe so ala hunda ti wara mbeni gbia, Nzapa amu na ala Saul, molenge ti Kish, zo ti mara ti Benjamin; lo le-gbia na ya ti ngu baleosio.

Awafango-ngbanga 8:22

Na pekoni, azo ti Israel atene na Gédéon: “E ye titene mo ga gbia ti e; molenge ti mo na tara ti mo ayeke ga gbia na peko ti mo ti gue na ni, ngbanga ti so mo soo e na maboko ti azo ti Madian.”

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 12:13

Fadeso, baa gbia so ala soro so laa; gbia so ala hunda so laa. KOTA GBIA amu na ala gbia awe.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.

1 Samuel 9:20

Ti amama ti lele ti mo so agirisa asara lango ota awe so, mo kiri mo gi be ti mo ndali ti ala pepe, a wara ala awe. Anzoni ye so ayeke na Israel so ayeke ti zo wa? Ayeke ti mo wala ti asewa ti babâ ti mo pepe?”