1 Samuel 8:20 - Mbeti ti Nzapa - Tënë so amu fini

²⁰ E nga, e ye ti duti tongana amara kue. Fade gbia ni ayeke fâ ngbanga ti e si lo yeke tambula na li ti e ti gue na e na bira.”

1 Samuel 8:20 ပူးပေါင်းရင်းမြစ်များ

Abia (Psaumes) 106:35

Ala bongbi na azo ti amara nde si ala manda lege ti sarango ye ti azo ni.

Sigingo 33:16

Biani, tongana mo gue na e pepe, nyen laa ayeke fa atene, mo baa mbi na azo ti mo na nzoni le? Ye so ayeke fa atene, mbi na azo ti mo, e yeke nde na tanga ti amara ti ndö ti sese so ayeke so, mo yeke na popo ti e si mo yeke tambula na e.”

Wungo ti azo 23:9

Na li ti akota têne so mbi yeke daa, mbi yeke baa ala; na li ti akete hoto so mbi yeke daa, le ti mbi angba ti baa ala; ala yeke azo so aduti nde. Ala bongbi tere na ambeni mara nde pepe.

Jean 15:19

Tongana ala yeke fade azo ti dunia so, ka dunia ni aye ala ndali ti so ala yeke ti lo. Me mbi soro ala na popo ti azo ti dunia si ala yeke azo ti dunia mbeni pepe. Ndani laa dunia ni ake ala.

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

2 Korente 6:17

Ndani laa *Kota Gbia Nzapa atene: “Ala sigigi na popo ti azo ni, ala duti yongoro! Ala ndu mbeni ye ti *sioni oko pepe, tongaso, fade mbi yeke yamba ala.”

Ndia ti fani use ni 7:6

Biani, ala azo ti Israel, ala yeke azo so a zia ala nde ndali ti KOTA GBIA Nzapa ti ala. Ala yeke azo so lo soro ala na popo ti amara kue ti sese ti ga azo ti lo wani.

Filipe 3:20

Ti e, kodro ti e ayeke na yayu. E yeke ku titene *Kota Gbia ti e Jésus Christ, lo so lo yeke Wasongo e alondo na yayu, aga.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.

1 Samuel 12:12

Me so ala baa Nahash, gbia ti azo ti Amon aga ti tiri bira na ala, ala tene na mbi: ‘E ye mbeni gbia ti duti na li ti e!’ Andaa KOTA GBIA, Nzapa ti ala laa ayeke fade gbia ti ala.

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.

1 Samuel 8:5

Ala tene na lo: “Baa, mo ga mbakoro awe; me amolenge ti mo amu peko ti sarango ye ti mo pepe. Ayeke nzoni mo mu na e mbeni gbia titene lo fâ ngbanga ti e tongana ti amara kue.”