1 Samuel 8:18 - Mbeti ti Nzapa - Tënë so amu fini

¹⁸ Na lango ni so, ala yeke dekongo ndali ti gbia so ala wani asoro lo. Me KOTA GBIA ayeke kiri tënë na ala oko pepe.”

1 Samuel 8:18 ပူးပေါင်းရင်းမြစ်များ

2 Mbai 10:11

Babâ ti mbi azia lani nengo kungba na ndö ti go ti ala. Ti mbi, fade mbi yeke zia na ndö ti go ti ala kungba so akiri ane ahon ndoni. Babâ ti mbi apika ala lani na zaza. Ti mbi, fade mbi yeke pika ala na fimbo so wen ayeke na yanga ni.’ ”

Mbeti ti Job 27:8

Nyen laa sioni zo azia be ti lo ti ku tongana Nzapa azi fini ti lo?

Mbeti ti Job 27:9

Tongana ye ti ngangu asi na lo, fade Nzapa ayeke ma dekongo ti lo?

Abia (Psaumes) 18:41

Mo sara si awato ti mbi akpe na dawa ti mbi, mbi yeke fâ azo ti kengo mbi, mbi hunzi ala kue.

Amato 21:13

Zo so akanga mê ti lo ti ma toto ti zo ti mawa, na ndembe so zo ni ayeke dekongo, zo oko ti mango lo ayeke nga daa pepe.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Ésaïe 59:1

Ala baa atene, maboko ti *KOTA GBIA ayeke nduru ti soo ala? Mê ti lo akanga ti ma ala? Ên-en!

Ésaïe 8:21

Fade azo ayeke hon na ya ti kodro ni, na kota pasi na nzara. Ndali ti so nzara ahon ndö ti ala, ala yeke sara ngonzo, ala yeke deba gbia ti ala na Nzapa ti ala. Ala yeke baa ndo na nduzu.

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

1 Samuel 8:17

Lo yeke zi lapo ti ataba ti ala na ti angasa ti ala. Ti hunzi na ni, fade ala wani, ala yeke ga angbaa ti lo.