1 Samuel 8:15 - Mbeti ti Nzapa - Tënë so amu fini

¹⁵ Na ya ti ale ti kobe baleoko, lo yeke mu mbage ni oko titene aga lapo ti ale ti kobe ti yaka, na lapo ti ale ti vinye ti mu na akota zo ti kua ti gbia. Lo yeke zi ti lo nga na ti azo ti gbe ti lo.

1 Samuel 8:15 ပူးပေါင်းရင်းမြစ်များ

Tongo nda ti aye 37:36

Ti azo ti Madian, ala gue na Joseph na Ezipte si ala ka lo na Potifar, mbeni kota zo ti kua ti gbia Faraon; Potifar ayeke makonzi ti aturugu so ayeke bata gbia ni.

Ésaïe 39:7

Na popo ti amolenge ti mo, ala so mo wani, mo du ala, fade a yeke mu ambeni ti gue na ala titene ala ga *ambaiwa na yangbo ti gbia ti Babilone.’ ”

Daniel 1:18

Ngoi so gbia Nabukodonosor afa titene a ga na amaseka-koli so kue a soro ala lani so alingbi awe. Makonzi ti ambaiwa amu amaseka-koli ni si ague na ala na lo.

Daniel 1:3

Na pekoni, gbia amu yanga na Ashepenaz, makonzi ti *ambaiwa ti lo titene lo soro ambeni maseka-koli ti kodro ti Israel, lo ga na ala: ala so ayeke na ya ti asewa ti agbia, wala ala so ayeke na ya ti asewa ti akota zo ti kodro.

1 Samuel 8:14

Lo yeke mu anzoni yaka ti ala, anzoni yaka ti *vinye ti ala nga na anzoni yaka ti olive ti ala ti mu na azo ti gbe ti lo.

1 Samuel 8:16

Lo yeke mu azo ti kua ti ala ti koli na ti wali, lo yeke mu amaseka-koli ti ala so angba ngangu nga na alele ti ala titene a sara na kua ti lo.