1 Samuel 8:14 - Mbeti ti Nzapa - Tënë so amu fini

¹⁴ Lo yeke mu anzoni yaka ti ala, anzoni yaka ti *vinye ti ala nga na anzoni yaka ti olive ti ala ti mu na azo ti gbe ti lo.

1 Samuel 8:14 ပူးပေါင်းရင်းမြစ်များ

1 Agbia 21:19

Fade mo tene na lo: ‘Tënë so KOTA GBIA atene ayeke so: Mo fâ zo awe! Fadeso, mo ga ti mu ye ti lo titene aga ti mo?’ Fade mo yeke kiri ti tene na lo: Tënë so KOTA GBIA atene ayeke so: ‘Na ndo so ambo asu mene ti Nabot daa, fade ambo ayeke su nga mene ti mo gi na oko ndo ni so!’ ”

1 Agbia 21:2

Mbeni lâ, Akab atene na Nabot: “Mu na mbi yaka ti vinye ti mo so titene mbi lu akugbe ti kasa daa, ngbanga ti so yaka ni ayeke gi nduru na yangbo ti mbi. Fade mbi yeke mu na mo pendere yaka ti vinye nde ahon ti so. Wala tongana mo ye, fade mbi mu na mo nginza alingbi na ngere ti yaka ni.”

1 Agbia 21:7

Wali ti lo Yezabel atene na lo: “Mo laa mo yeke gbia ti kodro ti Israel pepe? Londo! Te ye, mo sara ngia! Mbi Yezabel laa, mbi yeke mu ande na mo yaka ti vinye ti Nabot, zo ti gbata ti Yizreel so.”

Ezekiel 46:18

Sese so ayeke ti mbeni zo ti kodro, makonzi alingbi ti mu na ngangu na maboko ti zo ni pepe. Me ye ti lo wani laa lo lingbi ti mu mbeni na amolenge ti lo titene aga ye ti ala; tongaso si na popo ti azo ti mbi, a tumba mbeni zo na ndö ti sese ti lo pepe.”

1 Samuel 22:7

Saul atene na azo ti kua ni: “Ala, azo ti Benjamin, ala ma mbi nzoni! Fade molenge ti Yese ayeke mu na ala kue ayaka na ayaka ti *vinye tongana ti so mbi mu na ala so? Lo yeke mu ande ala titene ala ga amakonzi na ndö ti aturugu saki oko wala na ndö ti aturugu ngbangbo oko?

1 Samuel 8:13

Lo yeke mu amolenge ti ala ti wali titene ala sara kua ti yombo, ala to kobe si ala zö mapa.

1 Samuel 8:15

Na ya ti ale ti kobe baleoko, lo yeke mu mbage ni oko titene aga lapo ti ale ti kobe ti yaka, na lapo ti ale ti vinye ti mu na akota zo ti kua ti gbia. Lo yeke zi ti lo nga na ti azo ti gbe ti lo.