1 Samuel 8:12 - Mbeti ti Nzapa - Tënë so amu fini

¹² Fade lo yeke mu ambeni ti duti makonzi na ndö ti aturugu saki oko wala makonzi na ndö ti aturugu baleoku. Lo yeke mu ambeni titene ala fâ yaka ti lo si ala fâ nga ale ti kobe ti yaka ti lo. Fade lo yeke mu ambeni titene ala leke aye ti bira ti lo nga na agbakuru ti kangango na tere ti apusu ti mbarata ti lo.

1 Samuel 8:12 ပူးပေါင်းရင်းမြစ်များ

1 Agbia 4:7

Salomon ayeke lani na agovoronere baleoko na use so ayeke na ndö ti kodro ti Israel kue. Kua ti ala ayeke ti gi kobe ndali ti gbia na azo ti yangbo ti lo kue. Govoronere oko oko ayeke mu nze oko na ya ti ngu oko ti bongbi kobe ndali ti gbia na azo ti lo.

Wungo ti azo 31:14

Moïse asara ngonzo na tere ti amakonzi ti aturugu ti Israel, ala so alondo na bira ti kiri na bâbâ, so ti tene amakonzi so ayeke na li ti aturugu saki oko na ala so ayeke na li ti aturugu ngbangbo oko.

1 Samuel 22:7

Saul atene na azo ti kua ni: “Ala, azo ti Benjamin, ala ma mbi nzoni! Fade molenge ti Yese ayeke mu na ala kue ayaka na ayaka ti *vinye tongana ti so mbi mu na ala so? Lo yeke mu ande ala titene ala ga amakonzi na ndö ti aturugu saki oko wala na ndö ti aturugu ngbangbo oko?

1 Samuel 8:13

Lo yeke mu amolenge ti ala ti wali titene ala sara kua ti yombo, ala to kobe si ala zö mapa.