1 Samuel 8:1 - Mbeti ti Nzapa - Tënë so amu fini

¹ So Samuel aga mbakoro awe, lo mu amolenge ti lo ti ga awafango-ngbanga na li ti azo ti Israel.

1 Samuel 8:1 ပူးပေါင်းရင်းမြစ်များ

Néhémie 7:2

Mbi mu yanga titene a zia ita ti mbi Hanani, lo na Hanania, komanda ti aturugu ti gbagba ti bira ti duti na li ti Jérusalem. Hanania ayeke zo so ayeke sara ye alingbi na tënë ti yanga ti lo, lo yeke kpe mbeto ti Nzapa ahon ambeni zo mingi.

1 Timothée 5:21

Na le ti Nzapa, na le ti Jésus Christ, na le ti *a-ange so lo soro ala, mbi hunda na mo na ngangu ti sara aye so kue: mo mu mbage ti mbeni zo pepe, mo ye ambeni zo ahon ambeni pepe.

Awafango-ngbanga 10:4

Lo yeke na amolenge-koli baleota so ala kue ayeke tambula na ndö ti alele baleota. Ala yeke awa ti kodro baleota na sese ti Galaad. Azo adi iri ti akodro so Akete kodro ti Yair ngbii asi laso.

Awafango-ngbanga 12:14

Abdon ayeke na amolenge-koli baleosio nga na atara baleota; ala yeke ko na ndö ti alele balembarambara. Abdon aduti wafango-ngbanga ngu miombe na Israel.

Awafango-ngbanga 5:10

Ala so ayeke ko na ndö ti avuru mama ti lele, ala so ayeke duti na ndö ti atapi nga na ala so ayeke tambula na ndö ti alege, ala gbu li ti ala si!

1 Samuel 12:2

Ti fadeso, lo laa lo yeke tambula na dawa ti ala. Biani, mbi ga mbakoro awe, kua ti li ti mbi avuru awe. Amolenge ti mbi laa ayeke na popo ti ala so. Mbi ngba lani maseka si mbi tambula na dawa ti ala ngbii asi laso.