1 Samuel 7:9 - Mbeti ti Nzapa - Tënë so amu fini

⁹ Samuel amu kete taba so angba ti nyon me si lo mu na *sandaga so a yeke gbi ni kue na wâ na KOTA GBIA. Samuel avoro KOTA GBIA ndali ti azo ti Israel. KOTA GBIA ama lo.

1 Samuel 7:9 ပူးပေါင်းရင်းမြစ်များ

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Jérémie 15:1

*KOTA GBIA atene na mbi: “Ataa Moïse na Samuel aluti fade na dawa ti mbi ti sambela ndali ti mara so, ka tënë ti azo ti mara so ayeke so be ti mbi oko pepe. Mo tumba azo ni na dawa ti mbi, ala hon!

Awayango-sandaga 22:27

“Tongana mbeni bagara adu, wala mbeni taba adu, wala mbeni ngasa adu, alingbi amolenge ni angba na tere ti mama ti ala na ya ti lango mbarambara. Na lango miombe ni, tongana a mu ala na sandaga so a yeke gbi ni kue na wâ, fade mbi yeke yeda na ni.

Ndia ti fani use ni 9:26

Mbi sambela lo, mbi tene: “Kota Gbia NZAPA, mo fâ azo ti mo kue pepe, ala ga ye ti mo awe; mo zi ala na lege ti kota ngangu ti mo, mo sara si ala sigigi na Ezipte na lege ti ngangu ti maboko ti mo.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Awafango-ngbanga 6:26

Fade mo leke na KOTA GBIA, Nzapa ti mo mbeni gbalaka so a leke ni nzoni na li ti hoto so. Na pekoni, mo mu koli-bagara ni, mo ya na sandaga so a yeke gbi ni kue na wâ na KOTA GBIA. Mo mu keke so a leke aluti na nduzu ndali ti Ashera si mo fâ ni so, mo gbi na sandaga ni.”

Awafango-ngbanga 6:28

Na ndaperere, so azo ti gbata ni azingo, ala baa so a kungbi gbalaka ti Baal na sese awe; ala baa nga so a de keke so a leke aluti na nduzu ndali ti Ashera si ayeke na tere ni; a mu use koli-bagara na sandaga so a yeke gbi ni kue na wâ na ndö ti fini gbalaka ni.

1 Samuel 10:8

Fade mo yeke gue na Gilgal kozo ti mbi. Mbi yeke gue na peko ti wara mo kâ ti mu na Nzapa *sandaga so a yeke gbi ni kue na wâ nga na sandaga ti beoko. Fade mo yeke ku mbi na ya ti lango mbarambara ngbii mbi ga, mbi wara mo si. Tongana mbi ga, mbi yeke fa na mo ye so mo lingbi ti sara.”

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 16:2

Samuel atene: “Mbi yeke gue tongana nyen? Tongana Saul ama tënë so, fade lo yeke fâ mbi!” KOTA GBIA atene: “Fade mo yeke mu mbeni molenge ti bagara na tere ti mo si mo tene mo ga ti mu *sandaga na KOTA GBIA.

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 7:17

Na pekoni, lo yeke kiri na Rama, ngbanga ti so da ti lango ti lo ayeke kâ. Kâ laa lo yeke fâ ngbanga ti azo ti Israel si lo sara nga gbalaka ndali ti KOTA GBIA.

1 Samuel 9:12

Amaseka-wali ni akiri tënë na ala: “Een, lo yeke daa! Singo ti lo laa! Ala gue hio si. Lo ga na ya ti gbata ni laso laso, ngbanga ti so azo ti gbata ni ayeke mu *sandaga laso na Nzapa na ndo so a leke na ndö ti hoto.