1 Samuel 7:6 - Mbeti ti Nzapa - Tënë so amu fini

⁶ Azo ti Israel abongbi na Mispa. Ala to ngu si ala tuku ni na sese na dawa ti KOTA GBIA. Na lango ni so, ala ke ti te kobe si ala tene: e sara siokpari so ake KOTA GBIA. Kâ na Mispa laa, Samuel asara kua ti wayango-sandaga na popo ti azo ti Israel.

1 Samuel 7:6 ပူးပေါင်းရင်းမြစ်များ

Tongo nda ti aye 31:49

Ambeni zo adi nga iri ni Mispa, ngbanga ti so Laban atene na Jacob: “Ayeke nzoni KOTA GBIA abaa ndo na ndö ti mbi na mo tongana e kangbi ande si e yeke baa tere pepe.

2 Samuel 14:14

Mbeni lâ, fade e kue, e yeke kui. E yeke tongana ngu so zo atuku na sese si lo lingbi ti kiri ti to ni pepe. Me ye so Nzapa adiko laa pepe ndali ti lo so a tumba lo ti gue na mbeni kodro yongoro; me Nzapa aleke na be ti lo titene zo ni angba yongoro na lo pepe.

1 Agbia 8:47

na kodro so a gbu azo ti mo si a gue na ala daa so, tongana ala gbu li ti ala, ala zia ngbene lege ti sarango ye ti ala si ala toto na mo na ya ti kodro ni kâ, atene: ‘E ke yanga ti mo awe, e sara siokpari awe, e sara sioni awe!’,

1 Mbai 11:18

Tongaso akpengba turugu ota so ali na ya ti bâbâ ti azo ti Filistii na ngangu, ala to ngu ti du ti ngu so ayeke na yanga ti gbata ti Betlehem, ala ga na ni na David; me lo ke ti nyon ngu ni. Lo tuku ngu ni na sese tongana *sandaga ti samba ndali ti KOTA GBIA.

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

Néhémie 9:27

Tongaso mo zia ala na maboko ti awato ti ala so asara ngangu na ala. Na ngoi ti ye ti vundu ti ala, ala toto na mo si kâ na yayu, mo ma ala. Na lege ti kota nzoni be ti mo, mo tokua ambeni zo ti zi ala na maboko ti awato ti ala.

Mbeti ti Job 16:20

Amba ti mbi ayeke he mbi hengo; me mbi yeke toto na ngu ti le gi na Nzapa.

Mbeti ti Job 3:24

Kobe ti mbi ti tengo ni ayeke gi dema; dekongo ti mbi ayeke sigigi tongana ngu so ayeke sua.

Mbeti ti Job 33:27

Lo yeke he bia na dawa ti azo kue, lo tene: “Mbi sara siokpari, mbi sara ye so ake ndia, me Nzapa asara na mbi alingbi na sioni so mbi sara so pepe.

Mbeti ti Job 40:4

Mbi yeke ti mbi ye oko pepe. Tënë ti nyen laa mbi lingbi ti kiri ni na mo? Tënë ahunzi na yanga ti mbi awe.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Abia (Psaumes) 106:6

Tongana ti so akotara ti e asara, e sara siokpari, e sara ye ti kirikiri, e sara sioni.

Abia (Psaumes) 119:136

Ngu ti le ti mbi ayeke sua mingi, ngbanga ti so azo asara ye alingbi na ndia ti mo pepe.

Abia (Psaumes) 42:3

Tongana ti so nzara ti ngu ayeke sara zo, nzara ti Nzapa so ayeke na fini ayeke sara mbi legeoko tongaso. Lawa laa mbi yeke li na ya ti kota da ti lo ti luti na dawa ti lo so?

Abia (Psaumes) 6:6

Zo so akui awe, lo lingbi ti dabe ti lo na mo? Na ndo ti akuâ, zo wa laa alingbi ti mu singila na mo, zo wa?

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Jérémie 31:19

Taa-tënë, e hon lani yongoro na tere ti mo, me fadeso e zia lege ni awe. E hinga sioni ti e awe, fadeso e zia maboko na go ti e, kamene ahon ndö ti e si e ga buba ndali ti ye so e sara na ndembe so e de maseka; ye ti peko ni laa e wara awe so.’ ”

Jérémie 36:9

Biani, na nze gumbaya ni, na ngu oku ni so Yoakim, molenge ti Yosias, ayeke gbia ti Juda, a to mbela na azo ti Jérusalem kue nga na azo so kue alondo na ya ti agbata ti Juda si aga na Jérusalem ti ke kobe na dawa ti KOTA GBIA.

Jérémie 9:1

Tongana a mu na mbi fade mbeni ndo ti azo ti lege kâ na benyama titene mbi lango daa, ka mbi yeke zia azo ti kodro ti mbi, mbi hon yongoro na tere ti ala! Ala kue ayeke azo ti gingo akoli wala awali ti azo; ala ayeke bongbi ti azo so ake Nzapa awe.

Abia ti demango tere 2:11

Mbi toto ngbii, le ti mbi avuko kue; akamba ti ya ti mbi ayeke do dongo. Tongana mbi baa akpale so asi na azo ti kodro ti mbi, mbi woko kue. Mbi baa akete molenge na ala so angba ti nyon me; ala woko kue si ala ti kirikiri na be ti lege ti gbata ni.

Abia ti demango tere 3:49

Ngu ti le ni angba ti yuru lakue, lege ti kai ni ayeke daa pepe.

Abia ti demango tere 5:16

Nengo ti e ti amolenge ti gbia ati awe. E sara siokpari awe; so mawa na e, azo!

Ezekiel 20:4

“Molenge ti zo, mo ye biani ti fâ ngbanga na li ti ala? Alingbi mo fa na ala ti hinga asioni ye so akotara ti ala asara ando si zo alingbi ti baa na le ti lo fani use pepe so.

Osée 5:1

*KOTA GBIA atene: “Ala awayango-sandaga, ala ma tënë so, ala azo ti Israel, ala duti kpoo, ala ma tënë so, ala asewa ti gbia, ala dingi mê ti ala, ala ma tënë so: ala laa alingbi fade ti fâ ngbanga mbirimbiri, me kâ na Mispa, ala ga tongana kuku, ala ga tongana gbanda so a zia na ndö ti hoto ti Tabor;

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Awayango-sandaga 16:29

“So ayeke mbeni ndia so ayeke ngba kpu na kpu ndali ti ala: na lango baleoko ti nze mbarambara ni, fade ala yeke ke kobe ti sambela, ala yeke sara kua oko pepe, ataa ala azo ti Israel, ataa awande so aduti na popo ti ala.

Awayango-sandaga 26:40

“Me azo so ayeke ngba na fini, fade ala yeke fa na gigi sioni ti ala na ti akotara ti ala. Ala yeke tene: ‘E sara ye so ayeke sioni mingi ti ke KOTA GBIA, e sara ngangu li na lo.’

Nzoni Tënë so Luc asu na mbeti 15:18

Fade mbi yeke londo ti kiri na babâ ti mbi si mbi tene na lo: Babâ, mbi sara siokpari so ake Nzapa si ake nga mo.

Josué 18:26

Mispe, Kefira, Mosa,

Awafango-ngbanga 10:10

Azo ti Israel adekongo na mbage ti KOTA GBIA titene lo soo ala; ala tene: “E sara siokpari so ake mo, ngbanga ti so e zia mo, mo so mo yeke Nzapa ti e, ti voro anzapa Baal.”

Awafango-ngbanga 10:15

Azo ti Israel akiri tënë na KOTA GBIA: “E sara siokpari awe. Sara na e tongana ti so be ti mo aye; me mo soo e laso si!”

Awafango-ngbanga 2:4

So ange ti KOTA GBIA atene tënë so na azo ti Israel kue awe, azo ni kue ati na toto.

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

1 Samuel 1:15

Anne akiri tënë na lo: “Babâ, mbi nyon samba oko pepe. Mbi yeke wali so mawa ahon ndö ti mbi. Nilaa mbi yeke fa tënë ti be ti mbi na KOTA GBIA.

1 Samuel 10:17

Samuel airi azo ti Israel ti bongbi na Mispa na dawa ti *KOTA GBIA.

1 Samuel 12:10

Akotara ti ala akiri atoto na KOTA GBIA, atene: ‘KOTA GBIA, e sara siokpari awe, ngbanga ti so e zia mo si e sara kua na ayanda ti *Baal na ti *Astarte. Me fadeso, zi e na maboko ti awato ti e si fade e sara kua na mo.’

1 Samuel 7:15

Samuel aduti wafango-ngbanga na Israel na lango so kue lo ngba na fini.