1 Samuel 7:4 - Mbeti ti Nzapa - Tënë so amu fini

⁴ Azo ti Israel azi ayanda ti nzapa *Baal na ti nzapa-wali Astarte na popo ti ala si ala sara kua gi na KOTA GBIA oko.

1 Samuel 7:4 ပူးပေါင်းရင်းမြစ်များ

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

1 Agbia 11:5

Salomon avoro Astarte, nzapa-wali ti azo ti Sidon. Lo voro nga Milkom, fungo nzapa ti azo ti mara ti Amon.

1 Agbia 8:48

tongana ala kiri na mbage ti mo na be ti ala kue, na yingo ti ala kue na ya ti kodro so awato ti ala agbu ala si ague na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Osée 14:8

Azo ti mbi ayeke kiri ti duti na gbe ti de ti lo, ala yeke kiri ti lu ale ti *ble, ala yeke mai tongana keke ti vinye; sango ti ala ayeke mu ndo kue tongana ti pendere vin ti Liban.

Awafango-ngbanga 2:11

Azo ti Israel asara ye so ayeke sioni na le ti *KOTA GBIA: ala voro anzapa *Baal.

Awafango-ngbanga 2:13

Ala do KOTA GBIA azia, ala voro anzapa Baal na *Astarte.

1 Samuel 7:3

Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”

1 Samuel 7:5

Samuel atene: “Ala bongbi azo ti Israel kue na Mispa. Fade mbi yeke sambela KOTA GBIA ndali ti ala.”