1 Samuel 7:3 - Mbeti ti Nzapa - Tënë so amu fini

³ Tongaso, Samuel atene na azo ti Israel kue, atene: “Tongana ala kiri na KOTA GBIA na be ti ala kue, ayeke nzoni ala zi na popo ti ala anzapa ti awande nga na ayanda ti *Astarte. Ala zia be ti ala na ndö ti KOTA GBIA, ala sara kua gi na lo oko si fade lo zi ala na maboko ti azo ti Filistii.”

1 Samuel 7:3 ပူးပေါင်းရင်းမြစ်များ

Tongo nda ti aye 35:2

Jacob atene na azo ti sewa ti lo nga na azo so kue amu peko ti lo, atene: “Ala zi anzapa ti akodro wande so ayeke na popo ti ala. Ala *sukula asioni ti ala si ala yu ambeni bongo nde.

1 Agbia 11:33

Mbi yeke sara ye ni tongaso, ngbanga ti so azo ti Israel ado mbi azia si ala voro Astarte, nzapa-wali ti azo ti mara ti Sidon; ala voro Kemosh, nzapa ti azo ti mara ti Moab nga na Milkom, nzapa ti azo ti mara ti Amon. Azo ti Israel amu lege so mbi fa na ala so pepe, ala sara ye so ayeke nzoni na le ti mbi pepe; ala sara ye na lege ti andia ti mbi pepe nga na lege ti asarango ye so mbi fa na ala so pepe. Ala sara ye tongana ti David, babâ ti Salomon pepe.

1 Agbia 8:48

tongana ala kiri na mbage ti mo na be ti ala kue, na yingo ti ala kue na ya ti kodro so awato ti ala agbu ala si ague na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

2 Agbia 17:39

Ala voro gi mbi KOTA GBIA, Nzapa ti ala. Mbi laa mbi yeke zi ande ala na maboko ti awato ti ala kue.”

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 19:3

Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 20:33

Me ando so azo aleke na ndö ti ahoto si ala yeke voro anzapa nde daa, lo zi ni pepe. Nilaa azo azia be ti ala kue pepe na Nzapa ti akotara ti ala.

2 Mbai 30:19

azo so kue azia be ti ala ti gi mo Nzapa, KOTA GBIA, Nzapa ti akotara ti ala, ataa so ala sukula sioni ti ala pepe ti zia aye nde ndali ti mo.”

Amato 16:1

Azo ayeke leke apialo, me tanga ti tënë ni kue ayeke na yanga ti KOTA GBIA.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Jérémie 24:7

Mbi yeke mu na ala be ti hinga so mbi yeke KOTA GBIA. Na be ti ala kue, fade ala yeke kiri na mbage ti mbi. Ala yeke duti azo ti mbi si mbi yeke duti Nzapa ti ala.

Jérémie 36:3

E hinga pepe, fade azo ti Juda ayeke ma nda ti asioni ye so mbi ye ti tokua na ndö ti ala si zo oko oko alingbi ti zia sioni lege ti sarango ye ti lo. Tongaso, fade mbi yeke zi sioni ti ala nga na siokpari ti ala na li ti ala.”

Jérémie 4:1

So tënë ti yanga ti *KOTA GBIA laa: “Israel, tongana mo kiri, mbi laa, alingbi mo kiri na mbage ti mbi. Tongana mo zi afungo nzapa ti mo so na le ti mbi, mo yeke kpe ti hon kirikiri mbeni pepe.

Ezekiel 14:6

Ndani laa, alingbi mo tene na azo ti Israel, mo tene: ‘Tënë so Kota Gbia NZAPA atene ayeke so: ala zia ngbene lege ti sarango ye ti ala, ala zia lege ti ayanda ti ala, ala zia peko ti ala na asioni sarango ye ti ala so zo alingbi ti baa na le ti lo fani use pepe so!’

Ezekiel 18:31

Ala bi asioni sarango ye ti ala yongoro, ala sara si be ti ala na yingo ti ala aga fini ni! Ala azo ti Israel, ala ye ti kui ngbanga ti nyen?

Osée 14:1

Fade azo ti Samarii ayeke wara ye ti peko ti sioni so ala sara, ngbanga ti so ala tomboka na tere ti Nzapa. Fade ala yeke kui na ya ti bira, a yeke nika amolenge ti ala so angba ti nyon me, a yeke suru ya ti amama ti ngo.”

Matthieu 15:8

‘Azo so ayeke ne mbi gi na yanga ti ala senge, me be ti ala ayeke yongoro na mbi mingi.

Matthieu 4:10

Jésus atene na lo: “Hon kâ, Satan! Mbeti ti Nzapa atene: ‘Mo voro Kota Gbia, Nzapa ti mo si mo sara kua gi na lo oko!’ ”

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Nzoni Tënë so Luc asu na mbeti 4:8

Jésus akiri tënë na lo: “Mbeti ti Nzapa atene: ‘Mo voro *Kota Gbia, Nzapa ti mo si mo sara kua gi na lo oko!’ ”

Jean 4:24

Nzapa ayeke Yingo; azo so ayeke voro lo, ayeke nzoni ala voro lo na lege ti Yingo nga na lege ti taa-tënë.”

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.

Ndia ti fani use ni 13:4

alingbi ala ma tënë ti wayanga-Nzapa ni pepe, wala ti zo ti bango aye na ya ti bango-li ni pepe. Biani, *KOTA GBIA Nzapa ti ala laa ayeke tara be ti ala na lege ti ye tongaso ti baa, wala ala ye lo na be ti ala kue, na yingo ti ala kue.

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.

Ndia ti fani use ni 6:13

Fade ala yeke kpe mbeto ti KOTA GBIA Nzapa ti ala, ala yeke voro gi lo oko si ala yeke deba yanga ti ala gi na iri ti lo.

Josué 13:31

Ndambo ti sese ti Galaad nga na agbata ti Ashetarot na ti Edrei so ayeke ando agbata ti kodro-gbia ti Og na sese ti Bashan, kue ayeke na ya ni. Sese ni ayeke ando ti azo ti kete mara ti Makir, molenge ti Manase.

Josué 24:14

Josué akiri atene: “Fadeso, ala kpe mbeto ti KOTA GBIA, ala sara kua na lo na legeni nga na be ti ala kue! Anzapa so akotara ti ala asara ando kua na ala na mbage ti ngu ti Efrate nga na ti Ezipte so, ala zi anzapa ni yamba si ala sara kua gi na KOTA GBIA.

Josué 24:23

Tongaso Josué atene: “Fadeso, ala zi anzapa nde so ayeke na popo ti ala! Ala mu be ti ala kue na KOTA GBIA, Nzapa ti Israel!”

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.

Awafango-ngbanga 10:6

Azo ti Israel akiri asara ye so ayeke sioni na le ti *KOTA GBIA: ala voro anzapa *Baal na *Astarte. Ala voro nga anzapa ti azo ti Sirii, ti Sidon, ti Moab, ti Amon na ti azo ti Filistii. Ala do KOTA GBIA azia si ala kiri avoro lo pepe.

Awafango-ngbanga 2:11

Azo ti Israel asara ye so ayeke sioni na le ti *KOTA GBIA: ala voro anzapa *Baal.

Awafango-ngbanga 2:13

Ala do KOTA GBIA azia, ala voro anzapa Baal na *Astarte.

1 Samuel 31:10

Ala zia aye ti bira ti Saul na ya ti da ti nzapa *Astarte si ala pika kuâ ti Saul na pondi na tere ti gbagba ti Bet-Shean.