1 Samuel 7:12 - Mbeti ti Nzapa - Tënë so amu fini

¹² Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”

1 Samuel 7:12 ပူးပေါင်းရင်းမြစ်များ

Tongo nda ti aye 22:14

Abraham adi iri ti ndo ni so “KOTA GBIA ayeke baa lege ti mungo ye na zo.” Ndani laa laso azo ayeke tene: “Na ndö ti hoto laa KOTA GBIA ayeke baa lege ti mungo ye na zo.”

Tongo nda ti aye 35:14

Jacob aleke mbeni têne aluti na nduzu na ndo so Nzapa atene tënë na lo daa so. Lo mu *sandaga ti samba na ndö ti têne ni si lo tuku nga mafuta na ndö ni.

Abia (Psaumes) 71:17

Nzapa, ti londo na ndembe so mbi de molenge ngbii asi laso, mo fa ye na mbi; fadeso mbi ngba ti tene tënë ti akota ye so mo sara.

Abia (Psaumes) 71:6

Ti londo na lango so a du mbi ngbii asi fadeso, mbi zia tere ti mbi kue na maboko ti mo, mo laa mo sara si mbi sigigi na ya ti mama ti mbi; fade mbi yeke sepela mo lakue.

Sigingo 17:15

Moïse aleke mbeni gbalaka si lo di iri ni “KOTA GBIA ayeke bendere ti mbi.”

Ésaïe 19:19

Na lango ni so, fade gbalaka ti KOTA GBIA ayeke duti taa na be ti kodro ti Ezipte, mbeni ngbongboro têne so azo aleke si aluti na nduzu ndali ti KOTA GBIA ayeke duti na katikati ti kodro ni.

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

2 Korente 1:10

Lo laa lo zi e na ya ti kuâ, fade lo yeke kiri ti zi e na ya ni. Biani, e zia be ti e ti ku lo, fade lo yeke kiri ti zi e.

Josué 4:9

Josué aleke têne baleoko na use so taa na be ti Jourdain, na ndo so awayango-sandaga so ayeke yo sanduku ti mbuki azia gere ti ala lani daa so. Atêne ni ayeke kâ ngbii asi laso.

1 Samuel 14:35

Tongaso, Saul asara gbalaka ndali ti KOTA GBIA. So ayeke kozo gbalaka so lo sara ndali ti KOTA GBIA laa.

1 Samuel 4:1

Samuel afa peko ti atënë so na azo ti Israel kue. Mbeni lâ, azo ti Israel ague ti tiri bira na azo ti Filistii. Azo ti Israel asara bâbâ ti ala nduru na Eben-Ezer; azo ti Filistii asara ti ala bâbâ ni na Afek.

1 Samuel 5:1

Azo ti Filistii amu sanduku ti *mbuki ti Nzapa, ala yo ni na Eben-Ezer ti gue na ni na gbata ti Asdod.

1 Samuel 7:11

Azo ti Israel asigigi na Mispa, ala tumba peko ti azo ti Filistii ngbii asi na Bet-Kar si ala fâ azo ti Filistii gbani.