1 Samuel 7:10 - Mbeti ti Nzapa - Tënë so amu fini

¹⁰ Na ndembe so Samuel ayeke mu sandaga so a yeke gbi ni kue na wâ, azo ti Filistii aga nduru ti tiri bira na azo ti Israel. Me na lango ni so, KOTA GBIA asara si bekpa asungba ngangu na ndö ti azo ti Filistii. Lo zia kota mbeto na be ti ala si ala ti na gbe ti azo ti Israel.

1 Samuel 7:10 ပူးပေါင်းရင်းမြစ်များ

Abia (Psaumes) 18:15

Lo tokua ale ti kokora ti lo si awato akangbi kirikiri, lo tokua gba ti wâ ti bekpa si ala kpe kirikiri.

Abia (Psaumes) 29:3

Go ti KOTA GBIA atoto amu ndö ti angu kue. Nzapa ti gonda asara si bekpa asungba, KOTA GBIA amu ndö ti akota ngu kue.

Abia (Psaumes) 29:4

Go ti KOTA GBIA ayeke toto ngangu mingi; go ti KOTA GBIA ayeke fa nengo ti lo ti gbia.

Abia (Psaumes) 78:66

Lo pika awato ti lo so akpe si azia peko na lo, lo zia kamene na le ti ala biani biani.

Ndia ti fani use ni 28:7

Tongana awato aga ti tiri bira na ala, KOTA GBIA ayeke sara si ala kinda awato ni. Tongana awato ni amu lege oko ti ga ti tiri bira na ala, fade awato ni ayeke mu alege nde nde ti kpe kirikiri na dawa ti ala, azo ti Israel.

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.

Awafango-ngbanga 4:15

KOTA GBIA azia kota wusuwusu na popo ti aturugu nga na apusu ti Sisra; ala kue akpe kirikiri na dawa ti ayongoro zeme ti azo ti Israel. Sisra alondo na ya ti pusu ti bira ti lo, lo zu na sese si lo zia gere daa.

Awafango-ngbanga 5:20

Atongoro ti nduzu nga asara bira; na lege so ala yeke tambula daa, atongoro ni asara bira na Sisra.

Awafango-ngbanga 5:8

Azo asoro afini nzapa, tongaso bira ati na ya ti kodro ni. Me zo ayeke baa *vala wala likongo oko pepe na popo ti azo ti Israel, ataa mbeni oko pepe na popo ti aturugu saki baleosio.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 14:15

Aturugu ti Filistii so angba na ya ti bâbâ nga na azo so ayeke na tere ti bâbâ ni, kota mbeto agbu ala. Ataa aturugu ti batango ndo, na ala ti bubango ndo, kota mbeto ahon ndö ti ala kue. Sese ayingi si kota mbeto ti Nzapa agbu ala.

1 Samuel 2:10

Azo so alondo ti tiri na KOTA GBIA, fade lo yeke kungbi ya ti ala. Na nduzu kâ, lo yeke tokua bekpa ti sungba na ndö ti ala. Fade KOTA GBIA ayeke fâ ngbanga ti azo ti sese kue. Lo yeke mu ngangu na zo so lo zia lo gbia; zo so KOTA GBIA asoro lo ti ga gbia, fade lo sara si lo wara ngangu mingi.”

1 Samuel 7:11

Azo ti Israel asigigi na Mispa, ala tumba peko ti azo ti Filistii ngbii asi na Bet-Kar si ala fâ azo ti Filistii gbani.