1 Samuel 6:5 - Mbeti ti Nzapa - Tënë so amu fini

⁵ Fade ala sara alimo ti aka ti sanzo nga na limo ti adeku so ayeke buba kodro ti ala. Na pekoni, ala gonda Nzapa ti Israel. E hinga pepe, fade lo yeke zia ti sara ngangu na ala, na anzapa ti ala nga na kodro ti ala.

1 Samuel 6:5 ပူးပေါင်းရင်းမြစ်များ

1 Mbai 16:28

Ala, azo ti amara kue, ala mu na KOTA GBIA, ala mu na lo gonda na ngangu so alingbi na lo!

1 Mbai 16:29

Ala mu na KOTA GBIA gonda so alingbi na iri ti lo. Ala ga na *sandaga, ala ga na dawa ti lo. Ala kuku akpo li ti ala na sese na gbe ti KOTA GBIA na ndembe so gonda ti lo asigigi polele.

Abia (Psaumes) 18:44

Azo ti kodro atomboka na tere ti mbi, me mo yeke zi mbi na maboko ti ala; mo zia mbi na ndö ti amara. Azo ti mara so mbi hinga ala pepe aga azo ti kua na gbe ti mbi.

Abia (Psaumes) 32:4

Bi na lâ, mo yeke pika lani mbi mingi; mbi hole holengo tongana pere so ahole ndali ti lâ ti buru. Luti kete

Abia (Psaumes) 39:10

Mbi kai ti mbi awe, mbi yeke kiri ti tene tënë pepe, ngbanga ti so mo laa mo sara ye ni.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Sigingo 12:12

“Na bi ni so, fade mbi yeke hon na ya ti kodro ti Ezipte kue. Mbi yeke fâ akozo molenge-koli kue ti azo na ti anyama ti kodro ni. Mbi yeke fâ ngbanga na li ti anzapa kue ti Ezipte. Mbi laa mbi yeke KOTA GBIA.

Sigingo 8:17

Tongana mo ke ti zia lege na azo ti mbi titene ala gue, fade mbi yeke tokua asioni vuma na ndö ti mo, na ndö ti azo ti gbe ti mo, na ndö ti azo ti kodro ti mo nga na ya ti ayangbo ti mo. Asioni vuma ni ayeke si singo na ya ti ada ti azo ti Ezipte, ala yeke mu ndö ti sese ti kodro so kue ala yeke duti daa.

Sigingo 8:24

Faraon atene: “Fade mbi yeke zia lege na ala titene ala gue na benyama, ala mu sandaga na KOTA GBIA, Nzapa ti ala. Me ala gue yongoro pepe! Ala sambela ndali ti mbi.”

Sigingo 8:5

Moïse akiri tënë na Faraon, atene: “Tongana mo ye, mo fa na mbi lango so mbi lingbi ti sambela Nzapa ndali ti mo, ndali ti azo ti gbe ti mo nga ndali ti azo ti kodro ti mo. Mbi yeke hunda na Nzapa titene akongba ni alondo na ndo ti mo nga na ya ti yangbo ti mo ahon. Tongaso ala yeke ngba gi na ya ti bale ti Nil.”

Ésaïe 19:1

Nengo tënë na ndö ti Ezipte. Baa KOTA GBIA ayeke tambula na ndö ti mbinda so ayeke hon hio hio, lo yeke ga na Ezipte. Ayanda ti Ezipte ayeke do na mbeto na dawa ti lo; be ti azo ti Ezipte afun kue.

Ésaïe 42:12

Ayeke nzoni azo agonda KOTA GBIA; azo ti azoa, ala he bia na kota go ti sepela lo!

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Jérémie 3:13

Gi ye oko: ayeke nzoni mo hinga sioni ti mo si! Hinga, mo tene, mo sara ngangu li na KOTA GBIA, Nzapa ti mo. Na gbe ti afini keke so kue kugbe ni ayeke gbani gbani, mo huru mo ti kâ, mo huru mo ti ge ti zia tere ti mo na anzapa ti awande. Mo ke ti ma yanga ti mbi; so tënë ti yanga ti KOTA GBIA laa.’ ”

Joël 2:25

KOTA GBIA atene: “Lani mbi tokua gba ti akete nyama ti bubango ye na tere ti ala si ala te akobe ti ala: angadi, akinda-gozo, akete gbadola na akota gbadola. Fadeso mbi yeke kiri na ala aye so anyama ni abuba na ya ti angu so ahon so.

Jonas 3:9

E hinga pepe, fade Nzapa ayeke zia lege ti ye so lo leke na be ti lo ti sara; e hinga pepe, fade ngonzo so agbu lo mingi so akai si e kui pepe.”

Malashii 2:2

Tënë so *KOTA GBIA so ayeke na ndö ti dunia kue atene laa: “Tongana ala ma tënë ti mbi pepe, tongana ala sara si tënë ti nengo mbi agbu be ti ala pepe, fade mbi yeke deba ala si tufa so mbi ye ti sara na ndö ti ala, mbi yeke sara titene akiri aga deba. Biani, fade mbi yeke deba ala, ngbanga ti so tënë ti gbotongo mê so mbi gboto mê ti ala agbu be ti ala pepe.

Wungo ti azo 33:4

Andaa na ndembe ni so, azo ti Ezipte ayeke lu akuâ ti akozo molenge ti ala ti koli so KOTA GBIA afâ ala. Lo sara tongaso ti fâ ngbanga na li ti anzapa ti azo ti Ezipte ni.

Jean 9:24

Afarizien akiri airi waziba ni si ala tene na lo: “Mo gonda gi Nzapa! E hinga so koli so azi le ti mo ayeke zo ti siokpari.”

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 14:7

Lo yeke dekongo, lo tene: “Ala kpe mbeto ti Nzapa! Ala gonda lo ndali ti so ndembe titene lo fâ ngbanga na li ti azo alingbi awe. Ala voro lo, lo so lo sara yayu, sese, akota ngu-ingo nga na ali ti ngu!”

Aye so Nzapa afa 16:9

Ngangu ndo-wâ agbi azo; ala zonga iri ti Nzapa so ayeke na ngangu na ndö ti asioni ye so kue, me ala ke ti zia ngbene lege ti sarango ye ti ala, ala ke ti gonda Nzapa.

1 Samuel 5:11

Azo ti Ekron nga airi agbia kue ti azo ti Filistii ti bongbi si ala tene na ala: “Ala mu sanduku ti mbuki ti Nzapa ti Israel akiri na ni na ndo so lani ayeke daa. Tongaso si afâ e na azo ti gbata ti e kue pepe.” Biani, mbeto ti kuâ asara ala, ngbanga ti so maboko ti KOTA GBIA asara ngangu na ala mingi.

1 Samuel 5:9

Me gi so ala si na ni na Gat awe, maboko ti KOTA GBIA asara ngangu na azo ti gbata ni. Kota mbeto asara ala. KOTA GBIA azia kobela ti sukungo ye na tere ti ala: amolenge na akangba.

1 Samuel 6:8

Ala mu sanduku ti mbuki ti KOTA GBIA, ala zia na ndö ti pusu ni. Ala mu aye ti lôro so ala leke ti mu na KOTA GBIA ndali ti sioni ti ala so, ala zia na ya ti mbeni kete sanduku na tere ti sanduku ti mbuki ni. Na pekoni, ala zia pusu ni ague.