1 Samuel 6:20 - Mbeti ti Nzapa - Tënë so amu fini

²⁰ Azo ti Bet-Shemesh atene: “Zo wa laa alingbi ti luti na le ti KOTA GBIA, Nzapa so ayeke nde si ayeke nzoni kue so? Fade e yeke tokua sanduku ti mbuki ni na ndo ti zo wa titene ahon yongoro na tere ti e?”

1 Samuel 6:20 ပူးပေါင်းရင်းမြစ်များ

2 Samuel 6:7

Ngonzo ti KOTA GBIA alondo na tere ti Uza. Nzapa afâ lo, ngbanga ti sarango ye ti buba ti lo. Lo kui gi na ndo so, na tere ti sanduku ti mbuki ti Nzapa ni.

2 Samuel 6:9

Na lango ni so mbeto ti KOTA GBIA asara David, lo tene: “Sanduku ti KOTA GBIA alingbi ti ga na ndo ti mbi tongana nyen?”

Abia (Psaumes) 76:7

Nzapa ti Jacob, tongana mo suku na ala, azo ti kpengo na mbarata nga na ambarata ni aluti kpoo.

Awayango-sandaga 11:44

Mbi laa mbi yeke KOTA GBIA Nzapa ti ala: alingbi ala sara ye tongana azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue. Akete nyama so ayeke gbani na ndö ti sese, alingbi ala ga *sioni ndali ti ala pepe.

Awayango-sandaga 11:45

Biani, mbi KOTA GBIA laa, mbi sara si ala sigigi na kodro ti Ezipte titene mbi duti Nzapa ti ala. Tongaso, ayeke nzoni ala duti azo so ayeke nde si ayeke nzoni kue, ngbanga ti so mbi yeke nde si mbi yeke nzoni kue.”

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Nzoni Tënë so Luc asu na mbeti 5:8

So Simon Pierre abaa tongaso, lo ti na gbe ti Jésus si lo tene na lo: “*Kota Gbia, hon yongoro na tere ti mbi, ngbanga ti so mbi yeke zo ti siokpari!”

Nzoni Tënë so Luc asu na mbeti 8:37

Azo ti sese ti Zeraza kue ahunda na Jésus ti londo na ndo ti ala ti hon, ngbanga ti so kota mbeto agbu ala mingi. Jésus ako na ya ti ngo si lo kiri.

Aye so Nzapa afa 6:17

Biani, kota lango ti ngonzo ti ala asi awe; zo wa laa alingbi ti ngba na fini, zo wa?”

1 Samuel 5:7

So azo ti Asdod abaa ye so asi na ala so, ala tene: “Alingbi sanduku ti mbuki ti Nzapa ti Israel angba na ndo ti e pepe. Biani, maboko ti Nzapa ayeke sara ngangu na e mingi, e na Dagon, nzapa ti e.”